Daniel 6:24 - Tedim Bible

²⁴ Tua ciangin kumpipa in Daniel a hekteng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpinelkaite in bakkhat suahin a guh a tangin a balzan gawp uh hi.

Tedim Bible Revision 2017

²⁴ Tua ciangin kumpipa in Daniel a hek teng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpi-nelkaite in bak khat suahin a guh a tangin a balzan gawp uh hi.

Daniel 6:24 Referans Kwoze

Isaiah 38:13

zingsang dong huhna ngenin ka kiko hi. Humpinelkai bangin amah in ka guh khempeuh hong kuaihtansak a, sun le zan tawntung gimna hong kithuaksak hi.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman a khailum uh hi. Tua ciangin kumpipa’ hehna a dam hi.

Late 54:5

Amah in ka galte siatna tawh thuk ding hi. Na thumanna tawh kizui-in amaute sumai in.

Esther 9:25

Ahih hangin kumpipa in hih thu a theih ciangin, Jew mite sukna dingin Haman in a geelsa thu hoih lo pen Haman’ lu tung mah a lehtukna ding, le amah le a tapate khuam tungah a kikhaina ding lai-in gelhin thu a pia hi.

2 KUMPI NIHNATE 14:6

Ahih hangin Topa in a thupiaksa, Moses thukham laibu sungah, “Tate’ hangin pate kithat lo ding a, pate’ hangin tate zong kithat lo ding hi; ahih hangin mi khempeuh amau’ khialhna hangin si ding hi,” ci-in a kigelh bangin amah in mi thatte’ tate that lo hi.

Thu-hilhkikna 24:16

“Tate’ tangin pate kithat lo ding a, pate’ tangin zong tate kithat lo ding hi. Mi khempeuh ama khialhna hang bekin kithat ding hi.

Paunak 11:8

Lungkhamna a tuah loh nadingun midikte kihu a, migilote tungah lungkhamna tungzaw hi.

Daniel 3:22

Bang hang hiam cih leh kumpipa’ thupiakna kinawh lua mahmah a, mei phualpi lah sa lua mahmah ahih manin a khulte nangawn meikuang in hullum hi.

Paunak 19:9

Thuman lo teci in gim tuak pelmawh ding a, zuaugen mi in sihna thuak ding hi.

Jeremiah 34:17

Tua ahih manin Topa in kong cihin-ah: Mi khempeuh in na sanggam na mipihte uh khahkhia loin, suahtakna pia loin ka thu hong mang lo na hih uhleh, en un, Topa in kong cihin-ah, note hong khahkhia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khahkhia a, kong suaktasak hi. Leitung gam khempeuhte’ hong lipkhap dingin kong bawl hi.