Daniel 6:23 - Tedim Bible

²³ Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kaikhiato uh a, liamna themcik zong a neih lohlam a mu uh hi. Bang hang hiam cih leh amah in Pasian muang hi.

Tedim Bible Revision 2017

²³ Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kai khiato uh a, liamna themcik zong a neih loh lam a mu uh hi. Bang hang hiam cih leh amah in Pasian muang hi.

Daniel 6:23 Referans Kwoze

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in Pasian muang uh ahih manin amah in amaute’ thumna a pia hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Marka 9:23

Jesuh in, “Bang hangin na hihtheih leh, ci na hi hiam? A umte a dingin na khempeuh hithei hi lo ahi hiam?” a ci hi.

Daniel 6:18

Kumpipa a inn-ah ciahkik a, tua zan tawntung an ngawlin gualnopna zong a bawl kei hi. Tua zanin a ihmu thei peuhmah kei hi.

Isaiah 26:3

Topa aw, nang hong muang a, nangma tungah a lungsim khempeuh a koih mipa lungnopna kicing pia ta in.

Paunak 18:10

Topa’ min pen tausang muanhuai tawh kibang a, thuman mite in belin lungmuangin om thei uh hi.

Late 37:40

Amaute in Topa beel ahih manin amah in amaute huhin honkhia a, migilote’ kiang panin amaute honin suaktasak hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a tengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.

Hebru 11:33

Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasian’ thuciam a ngah uh hi. Upna hang mah tawh humpinelkai kamte hucip uh a,

Daniel 6:14

Kumpipa in hih thu a zak ciangin lungmang a, Daniel a suahtak theih nading lampi hanciamin nitum dong a ngaihsun hi.

1 KUMPI MASATE 5:7

Hiram in Solomon’ kam a zak ciangin nakpitakin lungdam a, “Hih a lian a tam mite a uk dingin David’ tungah a pil tapa a pia Topa in tuni-in thupha ngah ta hen,” a ci hi.

Paikhiatna 18:9

Egypt mite’ khutsung panin amah in amaute a khahkhiatna, Israel mite tungah Topa in a hoih a bawlte khempeuh hangin Jethro lungdam hi.

Daniel 3:17

Mei phualpi sung panin a hong honkhia thei pasian a om leh ka biak ka Pasian uh hi ding a, na khutsung panin a hong honkhia ding hi.

Late 18:21

Bang hang hiam cih leh Topa’ lampite ka tawn khin a, ka Pasian’ kiang panin gitlohna tawh ka paikhia kei hi.