Daniel 5:8 - Tedim Bible

⁸ Kumpipa’ thudot mite hong tung uh a, ahih hangin tua lai a sim thei le kumpipa tungah a khiatna a gen thei kuamah a om kei uh hi.

Tedim Bible Revision 2017

⁸ Kumpipaʼ thudot mite hong tung uh a, ahih hangin tua lai a sim thei le kumpipa tungah a khiatna a gen thei kuamah a om kei uh hi.

Daniel 5:8 Referans Kwoze

Daniel 2:27

Daniel in, “Kumpipa aw, tua na theihnop thu a hong gen thei ding khongkhai thei, mitphial siam, aisan siam kuamah om lo hi.

Daniel 4:7

Tua ciangin aisan theite, mitphial siamte, khongkhai theite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amaute’ kiangah a mang gen a, ahih hangin Faro’ tungah a khiatna a gen thei kuamah om lo hi.

Daniel 5:15

Ka thudot mite le mitphial siamte, hih lai kigelh a sim ding le a khiatna a gen dingin a hong pai uh hinapi, a khiatna a theizo kei uh hi.

Isaiah 47:9

Aisan siamnate le mibum siamna vang lianpi na neih hangin ta khuaisuahna le meigonna, hih thu nihte thakhat thu-in ni khat sungin a kicing takin nangma tungah hong tung veve ding hi.

Jeremiah 50:35

“Topa in kong cihin-ah, Khaldea gammite, Babylon khua-ah a tengte, a kumpi uliante le a mipilte namsau tawh kithat ta hen!

Daniel 4:18

“Beltashazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang’ sungah Pasian’ kha om ahih manin na hong gen thei ding hi,” a ci hi.

Daniel 4:4

“Keimah Nebukhadnezzar lungnuam takin kumpi inn-ah ka teng a, nuamsa mahmahin ka om hi.