Daniel 5:29 - Tedim Bible

²⁹ Tua ciangin Belshazzar in Daniel pen kumpi puansan a silhsak dingin thu pia pah a, minphatna khamkhi a ngawngah a oksak hi. A gam sungah a za lian thum nadingin a koih hi.

Tedim Bible Revision 2017

²⁹ Tua ciangin Belshazzar in Daniel pen kumpi puansan a silhsak dingin thu pia pah a, minphatna khamkhi a ngawng ah a oksak hi. A gam sungah a za lian thum nadingin a koih hi.

Daniel 5:29 Referans Kwoze

Daniel 5:16

Ahih hangin nangmah in thuthukpi le kuama theih zawh loh thute gen thei hi, ci-in kong zazo hi. Hih lai kigelh sim thei-in a khiatna nong gen theih leh kumpi puansan kong silhsak ding a, minphatna khamkhi na ngawngah hong oksakin, kumpi gam sungah a za lian thumna-in ka hong koih ding hi,” a ci hi.

Daniel 5:7

Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawngah ka oksak ding a, kumpi gam sungah a za lian a thumna-in ka koih ding hi,” a ci hi.

Paunak 1:9

Tua thuhilhnate in na gamtat hong hoihsak ding a, kizepna lukhu le kizepna khi bangin hong etlawmsak ding hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gamteng uksakin, Babylon mipil thudotte a ukpipa dingin a koih hi.

Daniel 6:2

Tua ahih ciangin amah in tua gam ukpite tungah a vaihawmpi ding le kumpi deih bang a sem dingin Daniel le adang mi nih a teel hi.

Piancilna 41:42

Tua ciangin Faro in a min gelhna zungbuh ama khut tung panin suahkhia-in Josef’ khutah bulh a, puan hoih mahmah tawh amah zemin, a ngawngah kham khainiang khat oksak hi.

Esther 10:3

Bang hang hiam cih leh Kumpipa Ahasueras’ zomah Mordekai a lianpen ahi hi. Mordekai in ama mite’ phattuamna ding le a suanlekhakte uh a khantohna ding hanciam ahih manin Jew mite lakah milian khat hi a, a gam mihonpite in a it kim uh hi.