Daniel 5:28 - Tedim Bible

²⁸ Parsin pen kikhen cihna hi a, na gam kikhen khamin Media le Persia-te a kipiazo hi, a cihna ahi hi,” a ci hi.

Tedim Bible Revision 2017

²⁸ Parsin pen kikhen cihna hi a, na gam kikhen khamin Media le Persia-te a kipia zo hi, a cihna ahi hi,” a ci hi.

Daniel 5:28 Referans Kwoze

Daniel 6:28

Tua ahih manin Darias kumpi ahih laitak leh Persia mi Sairas kumpi ahih laitakin Daniel nuamsa-in a om hi.

Isaiah 13:17

En un, ngun le khamte tawh a lungkim lo Media mite pen amaute a sim dingin ka hanthawn hi.

Daniel 5:31

Media mi Darias kumpi a suak hi. (Tua laitakin Darias kum sawmguk le kum nih a pha hi.)

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Daniel 9:1

Media mi ahi Ahasueras’ tapa Darias in Babylon gamteng a uk hi.

Daniel 8:20

Na muh ki nih a nei tuutal pen Media le Persia gam kumpite a cihnopna ahi hi.

Sawltak 2:9

Eite pen Parthia gam, Media gam, Elam gam, Mesopotamia gam, Judea gam, Kappadosia gam, Pontas gam, Asia gam,

Daniel 6:8

Tua ahih ciangin kumpipa aw, thupiakna lai hawmkhia-in a tungah na min gelh in. Tua hileh Media-te le Persia-te upadi pen kikheel thei lo ding a, ngattakin a kizuih kul ding hi,” a ci uh hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi: ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih tahen. Biakinn lam dingin Jerusalem-ah amaute paito sak un,’ ci hi,” a ci hi.

Isaiah 47:11

Ahih hangin nangmah in na beisak theih loh lungkhamna na tungah hong tung ding a, nangmah in maisakna na ngah theih loh gimna nang tungah hong tung ding hi. A thu na theih hetloh siatna na tungah hong tungvat ding hi.

Jeremiah 25:13

Tua gam a siatna ding ka gensa thute khempeuh hih laibu sungah kigelh a, Jeremiah in gam khempeuhte’ kiangah a gen hi. Tuate khempeuh ka tungsak ding hi.

Jeremiah 51:28

Amah a sim dingin gamdangte kithawisak un. Media kumpipa, a makaite, le a ukna gam khempeuh kithawisak un.

Daniel 2:32

Tua milim lutang pen kham hoih mahmah tawh a kibawl ahi hi. A awm le a bante ngun tawh kibawl a, a gil le a pheite sumngo tawh kibawl hi.

Daniel 2:39

Nang’ khit ciangin nang’ kumpi gam sangin a neuzaw kumpi gam adang khat hong piang ding a, tua khit ciangin sumngo ahi kumpi gam a thumna in leitung khempeuh uk ding hi.