Daniel 5:21 - Tedim Bible

²¹ Mihingte lak panin amah kihawlkhia a, ganhing lungsim a nei hi. Gam sakolte tawh tengkhawmin, bawngtal bangin lopa ne a, daitui dal ding nei loin a pualamah a lum hi. A tawpkhakna-ah a Lianpen Pasian in mihingte’ kumpi gamte uk a, a teel peuhpeuh kumpi suak hi, ci-in a phawk thei hi.

Tedim Bible Revision 2017

²¹ Mihingte lak panin amah kihawl khia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawpkhakna ah a Lianpen Pasian in mihingteʼ kumpi gamte uk a, a teel peuhpeuh kumpi suak hi, ci-in a phawk thei hi.

Daniel 5:21 Referans Kwoze

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Ezekiel 17:24

Tua ciangin singkung sangte phukin, singkung neute a liansak pa, singkung hingte keusakin, singkung keute a hingkiksak Topa ka hihna thu gam sunga om singkung khempeuh in hong thei ding uh hi. Topa ahi keimah in hih thu ka gen khin a, hih dingin ka gen bangin ka gamta ding hi,” a hong ci hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Daniel 4:17

Hih pen a vil, a patau vantungmi’ thukhenna ahi hi. Tua ahih ciangin mun khempeuhah a om mi khempeuhte in, a Lian Pasian in mite’ kumpi gamah vai a hawm hi, cih a thei ding uh hi. Amah in a teel peuhpeuh a neupente nangawn kumpi a suaksak thei ding hi,’ a ci hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

JOB (Job) 39:5

“Kua in gam-late tungah suahtakna pia ahi hiam? Kua in khahin a ut utin vaksak ahi hiam?

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Daniel 4:14

Amah nakpi-in kiko-in, ‘A singkung phuk inla, a hiangteng sattan in. A tehteng heuhsiang inla, a gahteng thehthang in. A nuai-a ganhingteng le a hiang tunga vasateng hawlkhia in.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Daniel 4:26

Vantung mi in singbul le a zungte lei sungah nusiat dingin thu a pia hi. Tua pen, Pasian in leitung khempeuh uk hi, cih na theih ciangin kumpi na suakkik ding hi, a cihnopna ahi hi.