Daniel 5:13 - Tedim Bible

¹³ Tua ciangin thakhatin kumpipa kiangah Daniel a paipih uh hi. Kumpipa in, “Nang Daniel pen kumpi ahi ka pa in Judah gam panin a hong lakkhiat Jew mi salte khat hi lo na hi hiam?

Tedim Bible Revision 2017

¹³ Tua ciangin thakhatin kumpipa kiangah Daniel a paipih uh hi. Kumpipa in, “Nang Daniel pen kumpi ahi ka pa in Judah gam panin a hong lakkhiat Jew mi salte khat hi lo na hi hiam?

Daniel 5:13 Referans Kwoze

Daniel 6:13

Tua ciangin amaute in kumpipa kiangah, “Judah gam panin a hong pai Jew mi salte khat ahi Daniel in kumpipa hong zahtak lo a, na thupiakna a mang nuam kei hi. Nisimin thumveita thu a ngen tawntung hi,” a ci uh hi.

Daniel 5:11

Na gam sungah Pasian’ kha a nei mi khat a om hi. Na pa kumpi ahih laitakin, tua mipa in pasian-te’ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte, le aksi et siamte’ ukpi dingin a koih hi.

Daniel 2:25

Tua ciangin Ariok in thakhatin kumpipa kiangah Daniel paipih pah a, “Kumpipa aw, na mangmat a khiatna a hong gen thei ding Jew mi salte khat ka va mu hi,” ci-in a gen hi.

Johan 7:3

ama sanggamte in Jesuh kiangah, “Na nung hong zui mihonte in na nasepna a muhtheih nadingun hih lai panin paikhia-in Judea gamah va pai in.

Ezra 10:16

Tua hi a, thukham omsa bangin, a hong ciahkik salsuakte a gamta uh hi. Siampi Ezra in amau’ beh ciat tangin beh lutang pawlkhat tengkhia a, tuate khempeuh a minin a kilokhia ahi hi. A kha sawmna a ni khat ni-in hih mite a thukan ding uh kipan uh a,

Ezra 6:16

Tua ciangin Israel mite, siampite, Levi mite, le sal a suaksa a hong ciahkik mi khempeuh in lungdamna lianpi tawh Pasian’ biakinn apna a bawl uh hi.

Ezra 4:1

Salsuahna panin a hong ciahkik mite in Israel Pasian Topa a dingin biakinn khat a lamna thu Judah le Benjamin mite’ galte in a zak uh ciangin

Johan 7:1

Tua khit ciangin Galilee gam sungah Jesuh zin kawikawi hi. Jerusalem khua-a om Jew mi uliante in amah thatnuam uh ahih manin Judea gam sungah zin nuam nawn lo hi.

Daniel 8:27

Keimah Daniel, ni tawmvei sung thazaw gawpin ka ci a na hi. Tua ciangin tho-in ka nasep ngei a semkik dingin kumpi inn-ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Daniel 8:1

Belshazzar kumpi a suahzawh a kum thumna kumin keimah Daniel in a nihveina maang ka mu hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Daniel 5:2

Zu a nek laitakun, Belshazzar in a pa Nebukhadnezzar in Jerusalem biakinnpi panin a puakkhiat ngun hai, kham hai, le kuangte a va la dingin thu a pia hi. Kumpipa in a miliante le a zite le a zineute in tua haite tawh zu a nektheih nadingun hai la dingin thu a pia hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gamteng uksakin, Babylon mipil thudotte a ukpipa dingin a koih hi.

Daniel 1:21

Sairas, Babylon kumpi a suah hun dong, kumpi inn-ah Daniel omto paisuak hi.

Ezra 10:7

Tua ciangin Judah le Jerusalem sunga a om a hong ciahkik salte khempeuh Jerusalem-ah a hong kikhopna ding uh,

Daniel 1:1

Judah kumpipa Jehoiakim kumpi a suahzawh a kum thumna kumin, Babylon kumpipa Nebukhadnezzar in Jerusalem khuapi simin a umcih hi.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

Daniel 5:14

Nangma sungah Pasian’ kha om ahih manin siamna nei-in, lungpilna le theihna na neihlam ka thei hi.

Daniel 1:6

Tua bangin a kiteelte, Judah mite vive hi a, Daniel, Hananiah, Mishael, le Azariah-te ahi uh hi.