Daniel 4:9 - Tedim Bible

⁹ Ama kiangah, aisan theite lak a a lianpen Betashazzar aw, Pasian’ kha na sungah om ahih manin thuthuk khempeuh na theih theihlam ka thei hi. Hih ka mang a khiatna hong gen in, ka ci hi.

Tedim Bible Revision 2017

⁹ Ama kiangah, aisan theite lak a a lian pen Belteshazzar aw, Pasianʼ kha na sungah om ahih manin thuthuk khempeuh na theihtheih lam ka thei hi. Hih ka mang a khiatna hong gen in, ka ci hi.

Daniel 4:9 Referans Kwoze

Daniel 5:11

Na gam sungah Pasian’ kha a nei mi khat a om hi. Na pa kumpi ahih laitakin, tua mipa in pasian-te’ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte, le aksi et siamte’ ukpi dingin a koih hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gamteng uksakin, Babylon mipil thudotte a ukpipa dingin a koih hi.

Daniel 4:8

Tua ciangin Daniel (a min ding Betashazzar, ka pasian’ min tamin a kiphuak pa) a hong pai hi. Pasian’ kha ama sungah om ahih ciangin ama kiangah ka mangmat ka gen hi.

Daniel 4:5

Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuha mitphial siamte le aisan theite khempeuh sangin a zah sawmin a siamzawklam uh a mu hi.

Ezekiel 28:3

Danel sangin pil na kisa zaw a, theih loh a nei loin na kingaihsun kha hi.

Piancilna 41:38

Faro in a nasemte kiangah, “Ama sungah Pasian Kha a omna, hih bang midang mu ding ihi hiam?” a ci hi.

Daniel 4:18

“Beltashazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang’ sungah Pasian’ kha om ahih manin na hong gen thei ding hi,” a ci hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla ding a, nang na lau kei ding hi. Kihtakna tawh na kigamla ding a, nangma nai-ah tuate hong pai lo ding hi.

Isaiah 33:18

Nidangin na kihtak uh gamdangmi siahdongte, siahkhawmte, thukan mite, na phawk nawn kei ding uh hi.

1 SAMUEL MASA 4:8

Gimna ngah hi ta hang! Kua in hih a thahat pasian-te’ khutsung panin eite hong honkhiazo ding ahi hiam? Hihte pen gimna a tuamtuamte tawh gamlakah Egypt-te a vatgawp pasian-te ahi hi.

Daniel 2:47

Kumpipa in, “Hih thuthukpi hong genthei na hih manin na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi.

Ezekiel 17:23

Israel mual sangpen dawnah suanin, a hiang zaai-in a gah luai ding a, taamtak lianpi khat suak ding hi. Tua tungah vasa nam khempeuh tawlnga ding a, bu bawlna munin a nei ding uh hi.