Daniel 4:35 - Tedim Bible

³⁵ Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Tedim Bible Revision 2017

³⁵ Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Daniel 4:35 Referans Kwoze

Late 135:6

Vantung le leitung, tuipi le a thukna sung khempeuhah Topa in ama ut peuhpeuh a bawl hi.

JOB (Job) 42:2

“Topa aw, vangliatna khempeuh na neihna, na hihnop khempeuh na hih theihna thu ka thei hi.

Late 115:3

Vantungah eite’ Pasian om a, ama ut peuhpeuh a hih hi.

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.

Isaiah 43:13

“Kei pen Pasian ka hi a, a kipat cil a kipanin zong kei pen Amah ka hi hi. Keima khutsung panin a lakhiazo kuamah om lo hi. Keima sepnate, a kua in hong khaktanzo ding ahi hiam?” a ci hi.

Sawltak 4:28

Nangmah in na deihna bangin a piang dingin na vangliatna tawh na khensatsa thu khempeuh a sem dingin amaute kikhawm uh hi.

1 KORIN MASA 10:22

A nih tuakah kihelkhawm lehang Topa a heh nadingin a gamta ihi ding a, eite pen Topa sangin i hatzaw het kei hi.

1 KORIN MASA 2:16

Tua ahih manin Lai Siangtho in, “Kua in Topa’ lungsim thei a, ama gamtat nading lam lak thei ahi hiam?” na ci hi. Ahi zongin eite in Khrih lungsim i nei hi.

JOB (Job) 40:2

“Job aw, nangmah in Vanglian Pasian nong dem hi. Tu-in khawl ding na hiam, ahih kei leh keima thugen nong dawng ding hiam?” a ci hi.

JOB (Job) 23:13

“Amah kikheel ngei lo a, kuamah in amah nial zo lo hi. Ama hih nopte kuamah in khaktan zo lo hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat hetkei taleh zong, kuamah in bangmah cihthei tuan lo ding hi.

JOB (Job) 9:4

Amah pil mahmah a, vanglian mahmah hi. Kua in khauhtakin nial a, nial paisuakzo ahi hiam?

1 SAMUEL MASA 3:18

Tua ahih ciangin Samuel in ama kiangah a vekpi-in genin bangmah im lo hi. Tua ciangin Eli in, “Amah pen Topa ahi hi. Amah in hoih a sak bangin hih ta hen,” a ci hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

Sawltak 9:5

Saul in, “Topa aw, kua na hi hiam?” ci-in a dot ciangin, “Nangmah in na hong bawlsiat Jesuh ka hi hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teng mite in thuman i cih bang hiam, cih a phawk ding uh hi.

Sawltak 11:17

Eite in Topa Jesuh Khrih i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasian’ nasepna a khaktanzo dingin kei kua ka hi hiam?” ci-in a gen hi.

Late 49:1

Hih thu za un, mi khempeuh aw! Ngai un, leitung a a teng khempeuh,

Late 33:14

A tutna mun panin amah hong dakkhia-in, leitung mite a en hi.

Late 39:5

Ka nuntakna hun khutme tan bang bekin na bawl a, ka nuntakna hun nangma muhna-ah bangmah gentham lo hi. Mihing khempeuh, husan’ bang bek hi takpi hi.

Thuhilh-sia 8:4

Kumpipa aana neihna tawh gamta hi. Ama gen bangin gamta in; kuamah in amah nial zo lo hi.

Isaiah 19:17

Judah gam pen Egypt mite’ kihtak hong suak ding hi. Vanglian Topa in amaute gimpiak ding a ngimna hangin, hih thu a kigenna mi khempeuh lau ding uh hi.

Daniel 6:27

Amah pen a honkhia pa le a suaktasak pa hi a, vantung le leitungah lim le na lamdangte a bawl hi. Humpinelkaite’ thahatna panin Daniel a suaktasak hi,” a ci hi.

Jonah 1:14

Tua ahih ciangin Topa’ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Joshua 2:2

Jerikho kumpipa tungah, “Gam sung a en dingin Israel mi pawlkhat tu nitakin hih lai-ah hong tungzo hi,” ci-in kigen hi.