Daniel 4:33 - Tedim Bible

³³ Tua hun lianin Nebukhadnezzar’ tungah tua thukhenna a hong tung hi. Mite lak panin Nebukhadnezzar kihawlkhia a, bawngtal bangin lopa a ne takpi hi. A pumpi tungah daitui kia a, a pumpi tunga a multe keelmul bangin sau a, a khutcinte muvanlai khecin bangin a hong sau hi.

Tedim Bible Revision 2017

³³ Tua hun lianin Nebukhadnezzarʼ tungah tua thukhenna a hong tung hi. Mite lak panin Nebukhadnezzar kihawl khia a, bawngtal bangin lopa a ne takpi hi. A pumpi tungah daitui kia a, a pumpi tunga a multe keel mul bangin sau a, a khutcinte muvanlai khecin bangin a hong sau hi.

Daniel 4:33 Referans Kwoze

Daniel 4:32

Mite lak pan hong kihawlkhia ding a, gamsate tawh na tengkhawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingte’ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 5:21

Mihingte lak panin amah kihawlkhia a, ganhing lungsim a nei hi. Gam sakolte tawh tengkhawmin, bawngtal bangin lopa ne a, daitui dal ding nei loin a pualamah a lum hi. A tawpkhakna-ah a Lianpen Pasian in mihingte’ kumpi gamte uk a, a teel peuhpeuh kumpi suak hi, ci-in a phawk thei hi.

Daniel 5:5

Thakhat thu-in kumpi innsung meivak a taan penna lam kawm tungah mihing khut khat hong kilangin lai a hong gelh hi. Tua khut in lai a gelh laitak kumpipa in a mu hi.

Isaiah 30:14

Tua cipna pen iplah ding om nawn loin a kidengkham beelseek pa’ beel themte meikhuka om meilakna ding ahi zongin, tuikhuka om tui dipna ding ahi zongin a om nawn het lo tawh kibang ding hi,” a ci hi.

JOB (Job) 20:5

migilote’ nopsak hun a tom mahmahna thu, Pasian a don lote’ lungdam hun a tom mahmahna thu thei lo na hi hiam?

1 THESALONIKA MASA 5:2

Bang hang hiam cih leh Topa hong pai ding Ni pen zan a gutate bangin theihkholh lohin hong tung ding hi, ci-in note in teltakin na theihsa uh ahi hi.