Daniel 4:25 - Tedim Bible

²⁵ Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Tedim Bible Revision 2017

²⁵ Mite sung panin hong kihawl khia dinga, gamsate tawh na teeng khawm ding hi. Bawngtal bangin lopa na ne dinga, a pua lamah lumin, kum sagih sung na tungah daitui a hong kia ding hi. Tua ciangin a Lian Pasian in mihingteʼ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 4:25 Referans Kwoze

Daniel 4:17

Hih pen a vil, a patau vantungmi’ thukhenna ahi hi. Tua ahih ciangin mun khempeuhah a om mi khempeuhte in, a Lian Pasian in mite’ kumpi gamah vai a hawm hi, cih a thei ding uh hi. Amah in a teel peuhpeuh a neupente nangawn kumpi a suaksak thei ding hi,’ a ci hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Late 83:18

Topa a kici min nei nangmah bek leitung khempeuhah a Sangpenpa na hihna amaute theisak in.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

Late 106:20

Amaute in Pasian’ minthanna pen lopa a ne bawngtal lim tawh a khek uh hi.

Late 75:7

Mihing khat a sangsak, mihing khat a niamsak thukhen pa pen Pasian ahi hi.

Late 103:19

Topa in vantungah ama tokhom phutkhin a, amah in mun khempeuh a uk hi.

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in kumpi-in nang hong koih a, vangliatna, thahatna, le zahtakna a hong pia hi.

Daniel 2:47

Kumpipa in, “Hih thuthukpi hong genthei na hih manin na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi.

Daniel 4:2

A Lianpen Pasian in kei tungah lim le nalamdang a hong lahna thute ka hong gen nuam hi.

Daniel 4:16

Amah in mihing lungsim nei nawn loin, kum sagih sung ganhing lungsim a nei ding hi.