Daniel 4:21 - Tedim Bible

²¹ A tehte hoih mahmah a, leitung bup a vakzo ding gah a gah hi. Gamsate, a nuai-ah tawlnga uh a, vasate in a hiang kawmah bu a bawl uh hi.

Tedim Bible Revision 2017

²¹ A tehte hoih mahmah a, leitung bup a vak zo ding gah a gah hi. Gamsate, a nuai ah tawlnga uh a, vasate in a hiang kawmah bu a bawl uh hi.

Daniel 4:21 Referans Kwoze

Ezekiel 31:6

Vasa nam khempeuh in a hiang tungah bu tom uh a, ganhing nam khempeuh in a liimnuai, tasuahna-in a nei uh hi. Leitung minam khempeuh in zong a liimnuai belhin a nei uh hi.

Daniel 2:38

Amah in mi’ tenna leitungteng, ganhingteng le vasate a uk dingin nang a hong koih hi. Tua kham lutang pen nangmah na hi hi.

Daniel 4:11

Tua singkung pen khangkhangin gol semsem a, vantung dong banto ahih ciangin leitung mi khempeuh in a mu thei uh hi.

Daniel 4:20

Singkung sang mahmah na muh pen hong khangkhang a, khauh mahmah a, vantung dong banto a, leitungah a teng mi khempeuh in a mu thei uh hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Late 104:17

Tua singte tungah vasate in bu bawl uh a, taksing kungte lakah gun vapite in bu a tom uh hi.

Ezekiel 17:23

Israel mual sangpen dawnah suanin, a hiang zaai-in a gah luai ding a, taamtak lianpi khat suak ding hi. Tua tungah vasa nam khempeuh tawlnga ding a, bu bawlna munin a nei ding uh hi.

Luka 13:19

Mi khat in a lo-ah a vawh ankam tang khat tawh kibang hi. Tua ankam tang hong khangin kung golpi hong suak a, vasate in a hiang tungah bu a tom thei uh hi,” a ci hi.