Daniel 4:17 - Tedim Bible

¹⁷ Hih pen a vil, a patau vantungmi’ thukhenna ahi hi. Tua ahih ciangin mun khempeuhah a om mi khempeuhte in, a Lian Pasian in mite’ kumpi gamah vai a hawm hi, cih a thei ding uh hi. Amah in a teel peuhpeuh a neupente nangawn kumpi a suaksak thei ding hi,’ a ci hi.

Tedim Bible Revision 2017

¹⁷ Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Daniel 4:17 Referans Kwoze

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

1 SAMUEL MASA 2:8

Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.

1 KORIN MASA 1:28

Leitung mite in thupi a sakte uh a suksiat theih nadingin Pasian in leitung mite’ simmawh a niamte, bangmahin a ngaihsut loh uh mite a teel hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suakvat ding hi.

Paikhiatna 9:16

Ahi zongin leitung khempeuhah keima min a kipulak theih nadingin note tungah ka vangliatna lah ding deihna-in kong nungtasak lai hi.

Ezekiel 25:17

Amaute nakpitakin gim pia-in, a kicing zah dongin amaute tungah phu ka la ding a, ka hehna a thuak ding uh hi. Tua ciangin Topa ka hihna thu hong thei ding uh hi,” a hong ci hi.

Ezekiel 7:24

Minam gilo pente hong paipihin na innte uh ka luahsak ding hi. Minam dangte in na biakna mun ngeite uh a nitsak ciangin mi thahat-a a kineite’ kimuanna beita ding hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Late 9:16

Topa in thu hong khenin migilote amau’ nasepna mahah awksakna tawh amah hong kilang hi.

1 KUMPI MASATE 21:25

Ama zi Jezebel in a hanthot Ahab bangin Topa’ muhna-ah a sia a gamta dingin amahmah a kipiatawm mi kuamah dang om lo hi.

Mangmuhna 4:8

Tua ganhing lite in kha guk ciat nei-in, tua a khate’ sunglam le a pualamah mittang a dimtakin om a, a sun a zan tawlnga loin la sa uh a, “A beisa, tuhun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.

1 TIMOTI MASA 5:21

Hih ka hong gen thute na zatna-ah kuamah guptuam paihtuam nei hetloin hoihtakin hong mangin na zat nadingin Pasian, Khrih Jesuh, le a siangtho vantung mite’ muhna-ah limtakin a hong gen ka hi hi.

Isaiah 6:8

Tua ciangin, “Kua sawl ding a, eite a dingin kua va pai ding ahi hiam?” Topa’ cihna aw ka za hi. Tua ciangin ke’n, “Hih lai-ah kei om ing! Kei hong sawl in,” ka ci hi.

Late 12:8

Bang hang hiam cih leh mihingte lakah siatna kipahtawi a, mun khempeuhah migilote kidimin vak kawikawi uh hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topa’ tungah citak lozaw lai hi.

ROM (Romans) 13:1

A kuamah peuh in hong ukte’ thu na mang ciat un. Bang hang hiam cih leh Pasian’ thukimpih lohin kuamah in ukna thu nei lo hi; ukna thu nei i cih mite pen Pasian’ koih mite ahi hi.

Late 103:19

Topa in vantungah ama tokhom phutkhin a, amah in mun khempeuh a uk hi.

Daniel 4:2

A Lianpen Pasian in kei tungah lim le nalamdang a hong lahna thute ka hong gen nuam hi.

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.