Daniel 4:1 - Tedim Bible

¹ Nebukhadnezzar kumpipa in leitung a om minam kimte, minam tuamtuamte, paunam tuamtuamte khempeuh tungah a nuai-a thute hih bangin a khak hi: “Note tungah nopna om ta hen!

Tedim Bible Revision 2017

¹ Nebukhadnezzar kumpipa in leitung a om minamkimte, minam tuamtuamte, pau nam tuamtuamte khempeuh tungah a nuai-a thute hih bangin a khak hi: “Note tungah nopna om tahen!

Daniel 4:1 Referans Kwoze

Daniel 6:25

Tua ciangin Kumpi Darias in leitung a om minam kimte, minam tuamtuamte, le paunam tuamtuamte khempeuh tungah hih bangin lai a khak hi: “Note tungah nopsakna thupha om tahen.

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

Daniel 3:4

Tua ciangin nakpitakin taangkona khat kibawl a, “Minam tuamtuamte le paunam tuamtuamte khempeuh aw!

Efesa 1:2

Eite’ Pa Pasian le Topa Jesuh Khrih in note tungah dikna le nopsakna thupha hong tungsak tahen.

Daniel 3:29

“Tu-in minam kimte, minam tuamtuamte, paunam tuamtuamte, mi khat peuhpeuh in Shadrak, Meshak, le Abednego-te’ Pasian gensiatna kampau a om leh kibalnengawp ding a, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Ezra 4:17

Tua ciangin kumpipa in a lai uh hih bangin thuk hi: “Menzipipa Rehum, lai-at pa Shimshai, le Samaria le Eufratis Gungal gam sunga om na lawmte khempeuh uh tungah hopihna lai kong khak hi.

1 KHANG TANGTHU MASATE 12:18

Tua ciangin mihing sawmthum a ukpipa Amasai’ tungah Pasian’ kha hong tungin amah in, “David aw, kote, nangma a’ hi ung! Jessi’ tapa aw, nangma pawl hi ung! Nangma tungah nopna hong om hen la, nang hong huhte tungah zong nopna hong om ta hen! Bang hang hiam cih leh na Pasian in nang hong huh hi,” a ci hi. Tua ciangin David in amaute sang a, ama galkap uliante-in a bawl hi.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eite’ Topa Khrih Jesuh in dikna, hehpihna le nopsakna thupha, nangma tungah hong tungsak tahen.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesuh Khrih in note tungah dikna le nopsakna thupha hong tungsak tahen.

Sawltak 2:6

Hih huging a zak uh ciangin mihon tampi tak hong kikhawm uh a, hih Jesuh a um mite’ thugen pen amau’ pau ciatin za uh ahih manin lamdang a sa mahmah uh hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Daniel 7:14

Amah in vangliatna, minthanna, le kumpi za ngah ahih manin minam kimte, minam tuamtuamte, paunam tuamtuamte khempeuh in ama na a sem ding uh ahi hi. Amah in a tawntungin uk ding a, a kumpi gam a bei ngei kei ding hi.

Daniel 6:27

Amah pen a honkhia pa le a suaktasak pa hi a, vantung le leitungah lim le na lamdangte a bawl hi. Humpinelkaite’ thahatna panin Daniel a suaktasak hi,” a ci hi.

Esther 8:9

Tua ahih ciangin a kha thumna ahi Sivan kha a ni sawm le thum ni-in kumpipa’ lai-atte kisam a, Mordekai’ gen bang teekteekin Jew mite tung le India panin Ethiopia dong gam zakhat le sawmnih le sagih a uk ahi gam tampi a ukte, gam khat a ukte le tua gam sunga uliante tungah lai kihawmkik a, amau’ lai ciat le amau’ pau ciatin kigelh a, Jew mite a’ ding zong amau’ lai le amau’ pau mahin kigelh hi.

Esther 3:12

A kha masa a ni sawm le thum ni-in kumpipa’ lai-atte khempeuh kisam a, Haman’ genna tawh kizui-in kumpipa’ nuai-ah gam tampi a uksawnte le gam khat a uksawnte, le gam uksawnte’ khutnuai-ah a mi tuamtuamte lakah uliante tungah lai kipaisak hi. Gam khempeuhah amau’ lai ciat, mi khempeuh tungah amau pau ciatin kigelh hi. Hih lai pen kumpipa Ahasueras’ min tawh kigelhin kumpipa’ minthuhna zungbuh tawh min kithuh hi.

Ezra 5:7

Amaute in thuzaksakna lai hih bangin a gelh uh hi: “Kumpi Darias tungah thupha namcin hong tung tahen.