Daniel 3:29 - Tedim Bible

²⁹ “Tu-in minam kimte, minam tuamtuamte, paunam tuamtuamte, mi khat peuhpeuh in Shadrak, Meshak, le Abednego-te’ Pasian gensiatna kampau a om leh kibalnengawp ding a, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Tedim Bible Revision 2017

²⁹ “Tu-in minamkimte, minam tuamtuamte, pau nam tuamtuamte, mi khat peuhpeuh in Shadrak, Meshak le Abednego-teʼ Pasian gensiatna kampau a om leh kibalnen gawp dinga, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Daniel 3:29 Referans Kwoze

Daniel 2:5

Kumpipa in, “Ka mangmat le a khiatna nong gen theih kei uhleh note kong semnengawp ding a, na inn uh suksiatgawp dingin ka ngaihsun khinzo hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

Thu-hilhkikna 32:31

Bang hang hiam cih leh i galte’ pasian eite’ Pasian bang hi lo a, i galte’ thungetna a mawkna ahi hi.

Daniel 3:28

Tua ciangin kumpipa in, “Shadrak, Meshak, le Abednego-te’ Pasian phat un. Amah in a vantung mite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang’ mai-ah kun nuam lo, bia nuam lo uh ahih manin mei phualpi sungah khul ding a utzaw uh ahi hi,” a ci hi.

Daniel 3:17

Mei phualpi sung panin a hong honkhia thei pasian a om leh ka biak ka Pasian uh hi ding a, na khutsung panin a hong honkhia ding hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem, le tumtheih dang a gingte na zak khit phet uh ciangin kunin milim na bia ding uh hi. Na biak kei uhleh thakhatin mei phualpi sungah hong kikhul ding ahih ciangin a hong honkhiazo ding pasian omin um na hi uh hiam?” a ci hi.

Late 3:8

Gualzawhna pen Topa nangma hang ahi hi. Na mite tungah na thupha hong tung ta hen!

Ezra 6:11

Tua tham loin, mi khatpeuh in hih thupiakna a siatsak leh ama inn panin a innkam khat kidawhkhiat sakin tua tungah amah kihen cipin kisatgawp ding a, tua banah a inn zong a kisuksiatna ding thu kong pia thuah lai hi.

2 KUMPI NIHNATE 10:27

Tua ciangin amaute in Baal biakna song susia-in, Baal biakinn susia uh a, tuni dongin ekbuk a suaksak uh hi.

Daniel 1:7

Innsungmang lianpen pa in amaute min thak phuah a, Daniel’ min dingin Belteshazzar, Hananiah’ min dingin Shadrak, Mishael’ min dingin Meshak, Azariah’ min dingin Abednego a phuak hi.

Daniel 1:19

Kumpipa in amaute khempeuh hopih a, Daniel, Hananiah, Mishael, le Azariah-te adangteng khempeuh sangin a hoihzawk tuanlam uh a mu hi. Tua ahih ciangin kumpi inn-a vaihawm ulian pawl a suak uh hi.

Daniel 2:17

Tua ciangin Daniel a inn-ah ciah a, a thupiangteng khempeuh a lawmte Hananiah, Mishael, le Azariah-te kiangah a ko hi.

Daniel 2:47

Kumpipa in, “Hih thuthukpi hong genthei na hih manin na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi.

Daniel 2:49

Kumpipa in Daniel’ ngetna mah bangin Shadrak, Meshak, le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

Daniel 3:12

Babylon gam a khen liante a uk dingin na koih Shadrak, Meshak, le Abednego a kici Jew mi pawlkhat a om uh hi. Amaute in kumpipa’ thupiakna a mang kei uh hi. Amaute in na pasian bia nuam loin, na milim koih mai-ah a kun nuam kei uh hi,” a ci uh hi.

Daniel 6:28

Tua ahih manin Darias kumpi ahih laitak leh Persia mi Sairas kumpi ahih laitakin Daniel nuamsa-in a om hi.