Daniel 3:24 - Tedim Bible

²⁴ Tua ciangin Nebukhadnezzar in lamdangsa mahmahin a ding vat hi. Amah in a thudotte kiangah, “Mihing thum hencipsa-in mei phualpi sungah khul hi lo ihi hiam?” ci-in a dong hi. Amaute in, “Hi mah hi, Kumpipa aw,” ci-in a dawngkik uh hi.

Tedim Bible Revision 2017

²⁴ Tua ciangin Nebukhadnezzar in lamdang sa mahmah in a ding vat hi. Amah in a thudotte kiangah, “Mihing thum hencip sa-in mei phualpi sungah khul hi lo ihi hiam?” ci-in a dong hi. Amaute in, “Hi mah hi, Kumpipa aw,” ci-in a dawngkik uh hi.

Daniel 3:24 Referans Kwoze

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcipsak hi. Kumpipa aw, mawhna ka bawl lohlam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 6:7

Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte, le kumpipa’ thudot mite khempeuh ka thukim uh hi. Tuzawh ni sawmthum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.

Sawltak 26:27

Kumpi Agrippa aw, kamsangte’ thugente um hi lo na hi hiam?” a ci hi.

Sawltak 26:13

Tua hi a, kumpipa aw, Damaskas khua ka tunma sun laitakin kei leh ka tonpih mite’ kiimah sun sangin a taangzaw khuavak khat vantung panin hong taangzaih hi.

Sawltak 12:13

Peter in inntual kongpi hong kiu a, a en dingin nasem numei Roda va pai hi.

Sawltak 9:6

Ahi zongin tho-in khuapi sungah lut in; tua lai panin na gamtatna dingteng hong kigen ding hi,” a ci hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Daniel 5:6

Tua ciangin kumpipa lau lua mahmah a, a mai daang gawpin a khut a ling kauhkauh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Daniel 3:17

Mei phualpi sung panin a hong honkhia thei pasian a om leh ka biak ka Pasian uh hi ding a, na khutsung panin a hong honkhia ding hi.

1 SAMUEL MASA 17:55

Filistia-pa do-in David a kuankhiatna Saul in a muh ciangin galkap mangpa Abner kiangah, “Abner aw, hih tangvalpa kua’ tapa ahi hiam?” a ci hi. Abner in, “Kumpipa aw, ka thei kei hi,” a ci hi.

2 KHANG TANGTHU NIHNATE 22:4

Ahab innkuan dangte mah bangin Topa’ muhna-ah a sia gamta hi; bang hang hiam cih leh a pa’ sih khit ciangin ama siatna dingah thu lamlakte pen Ahab’ innkuante ahi uh hi.

Daniel 3:23

Tua ahih ciangin Shadrak, Meshak, le Abednego-te hencipsa-in meikuangpi laizangah a kiasuk uh hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.