Daniel 3:23 - Tedim Bible

²³ Tua ahih ciangin Shadrak, Meshak, le Abednego-te hencipsa-in meikuangpi laizangah a kiasuk uh hi.

Tedim Bible Revision 2017

²³ Tua ahih ciangin Shadrak, Meshak le Abednego-te hencip sa-in meikuangpi laizang ah a kia suk uh hi.

Daniel 3:23 Referans Kwoze

Jeremiah 38:6

Tua ciangin amaute in kei hong man uh a, thong huang sunga om kumpipa’ tapa Malkhiah’ tuikhuk sungah khau tawh hong khiasuk uh hi. Tuikhuk sungah tui om loin buan bek om a, buan sungah ka tumsuk hi.

Late 34:19

Thuman mi’ thuakna a tam mahmah hangin tuate khempeuh panin Topa in amah a hon hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

Hebru 11:34

meikuangpi mitsak thei-in, sih nading panin suakta uh a, ginalo napi-in thahat uh a, gal sungah thahatin gamdang galkapte a zogawp uh hi.

Isaiah 43:2

Tuite na kantan ciangin nang kong ompih ding a, gunte na kantan ciangin tui in hong tuum lo ding hi. Mei kantanin na pai ciangin na kang kei ding a, meikuangte in nang hong kangtum lo ding hi.

Daniel 1:7

Innsungmang lianpen pa in amaute min thak phuah a, Daniel’ min dingin Belteshazzar, Hananiah’ min dingin Shadrak, Mishael’ min dingin Meshak, Azariah’ min dingin Abednego a phuak hi.

Daniel 3:24

Tua ciangin Nebukhadnezzar in lamdangsa mahmahin a ding vat hi. Amah in a thudotte kiangah, “Mihing thum hencipsa-in mei phualpi sungah khul hi lo ihi hiam?” ci-in a dong hi. Amaute in, “Hi mah hi, Kumpipa aw,” ci-in a dawngkik uh hi.