Daniel 3:19 - Tedim Bible

¹⁹ Tua ciangin Kumpi Nebukhadnezzar pen Shadrak, Meshak, le Abednego-te tungah heh mahmah ahih manin a mai a san pempam hi. A sat ngeinazah sangin a zah sagihvei a sazaw mei phualpi a cih dingin a mite thu a pia hi.

Tedim Bible Revision 2017

¹⁹ Tua ciangin Kumpi Nebukhadnezzar pen Shadrak, Meshak le Abednego-te tungah heh mahmah ahih manin a mai a san pempam hi. A sat ngeina zah sangin a zah sagih vei a sa zaw mei phualpi a cih dingin a mite thu a pia hi.

Daniel 3:19 Referans Kwoze

Daniel 3:13

Tua thu hangin kumpipa heh mahmah a, tua mi thumte ama mai-ah a kipaipihna ding thu a pia hi.

Siampi Laibu 26:24

kei zong note hong gawtin, kei mahmah in na khialhnate uh hangin a zah sagih vei-in kong sat ding hi.

Paunak 21:24

Mi kihisak i cihte pen kilian sakin a kiphasak mite ahi hi.

Siampi Laibu 26:28

note ka hong heh ngawh bawl ding a, note’ khialhna hangin a zah sagih vei-in kong thuhilh ding hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Daniel 5:6

Tua ciangin kumpipa lau lua mahmah a, a mai daang gawpin a khut a ling kauhkauh hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

Siampi Laibu 26:21

“Tua ciangin kei hong demin, keima thu na ngaih kei lai uhleh, keimah in note’ khialhna a zah sagih vei-in note’ tungah gimna kong tungsak ding hi.

Siampi Laibu 26:18

“Tua bang hinapi-in note in ka thu nong ngaih kei veve uhleh, keimah in na khialhna hangun a zah sagih vei-in note kong thuhilhkik ding a,

Sawltak 7:54

A kikhawm uliante in Stefen’ thugen a zak uh ciangin nakpitakin heh uh a, a ha uh gawisan uh hi.

Daniel 6:24

Tua ciangin kumpipa in Daniel a hekteng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpinelkaite in bakkhat suahin a guh a tangin a balzan gawp uh hi.

Isaiah 51:23

Note kiangah, ‘Na tung uhah kong pai theih nadingun kunsuk un,’ a hong ci, no a hong bawlsiate’ khut sungah tua haipi ka koih ding hi. Note in na nungzang uh leilak bangin bawlin, amaute’ pai nadingin kongzing lampi bangin na bawl khin uh hi,” a ci hi.

Paunak 16:14

Kumpipa heh leh mi khatpeuh in sihlawh thei a, mipil khat in kumpipa lungdamsak thei hi.

Esther 7:7

Tua ciangin kumpipa a hehsa-in annekna pan dingkhia-in kumpi huan sungah a pai hi. Ahi zongin Haman ahihleh tua lai mahah omin Kumpinu Esther in a nuntakna a suahtaksakna ding a thum hi; bang hang hiam cih le kumpipa in amah thah dingin a ngaihsutna a lungsim a thei hi.

Piancilna 31:2

Laban in nidang bangin maipha tawh amah a don lohna Jakob in mu hi.

Daniel 2:12

Tua thu hangin kumpipa heh mahmah a, Babylon sunga kumpi’ thudot mipilte khempeuh thahlup khit dingin thu a pia hi.

Daniel 3:20

Tua ciangin Shadrak, Meshak, le Abednego-te a hencip ding le mei phualpi sungah a khul dingin galkap thahat khempeuh thu a pia hi.

Esther 3:5

Ama mai-ah Mordekai a kun lohna, amah a zahtakbawl lohna a theih ciangin Haman nak heh mahmah hi.