Daniel 3:18 - Tedim Bible

¹⁸ Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai-ah zong ka kun kei ding uh hi, ci-in theita in,” a ci uh hi.

Tedim Bible Revision 2017

¹⁸ Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai ah zong ka kun kei ding uh hi, ci-in thei ta in,” a ci uh hi.

Daniel 3:18 Referans Kwoze

Mattiu 10:39

Hih leitung nuntakna a hon nuamte in a nuntakna taktak taanlawh ding a, keima hangin a nuntakna a taanlawhte in a nuntakna taktak a ngah ding uh hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Joshua 24:15

Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.

Daniel 3:28

Tua ciangin kumpipa in, “Shadrak, Meshak, le Abednego-te’ Pasian phat un. Amah in a vantung mite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang’ mai-ah kun nuam lo, bia nuam lo uh ahih manin mei phualpi sungah khul ding a utzaw uh ahi hi,” a ci hi.

Paunak 28:1

Kuama delh lohpi-in migilote taimang a, mithumante ahihleh humpinelkai bangin a hang uh hi.

JOB (Job) 13:15

Pasian in kei hong that mah taleh zong, phamawh ka sa kei hi. Ahi zongin ama mai-ah ka thu ka gen veve ding hi.

Sawltak 4:19

Ahi zongin Peter le Johan in, “Note’ thu manzawk ding le Pasian’ thu manzawk ding, Pasian’ muhna panin koi pen manzaw ding cih thu nomau mah in zong ngaihsun ciat un.

Siampi Laibu 19:4

“Milimte lamah kihei kei unla, note in a kisungtawm pasian-te nomau a dingin bawl kei un; kei pen Topa na Pasian uh ka hi hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Mattiu 16:2

Ahi zongin Jesuh in, “Ni a tum khit nitak ciangin, ‘Van san ahih manin khua pha ding hi,’ na ci uh hi.

Hebru 11:25

Tomno sung mawhna sungah nuamtakin om ding sangin Pasian’ mite tawh gimna thuakkhawm ding a utzaw hi.

1 KUMPI MASATE 19:14

Amah in, “Vanglian Pasian, Topa a dingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia uh a, namsau tawh na kamsangte that uh hi; kei, kei bekbek ka omlai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:18

Ahi zongin Baal mai-ah a kun nai lo, amah a nam nai lo mihing tul sagih Israel sungah ka siit ding hi,” a ci hi.