Daniel 3:17 - Tedim Bible

¹⁷ Mei phualpi sung panin a hong honkhia thei pasian a om leh ka biak ka Pasian uh hi ding a, na khutsung panin a hong honkhia ding hi.

Tedim Bible Revision 2017

¹⁷ Mei phualpi sung panin a hong hon khia thei pasian a om leh ka biak Pasian uh hi dinga, na khut sung panin a hong hon khia ding hi.

Daniel 3:17 Referans Kwoze

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong koppih peuh leh kua in eite hong zozo ding ahi hiam?

Luka 1:37

Tua ahih manin Pasian in a bawl theih loh khat zong om lo hi,” ci-in a dawng hi.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

Jeremiah 1:8

Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua-ah khihcipna a thuak ding bek hi loin, Topa Jesuh hangin a si ding ciang dongin a kithawisa ka hi hi,” ci-in a hong dawng hi.

JOB (Job) 5:19

Lungkhamna gukvei dong na tuahna-ah amah in nang hong hon ding a, a sagihveina dingah siatna in nang hong su nawn lo ding hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Late 115:3

Vantungah eite’ Pasian om a, ama ut peuhpeuh a hih hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Daniel 6:27

Amah pen a honkhia pa le a suaktasak pa hi a, vantung le leitungah lim le na lamdangte a bawl hi. Humpinelkaite’ thahatna panin Daniel a suaktasak hi,” a ci hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

1 SAMUEL MASA 17:46

Tuni-in Topa in ka khut sungah nang hong pia ding a, keimah in nang hong sattukin na lu ka tankhia ding hi. Tua ciangin tuni-in huihlak vasate le leitung ganhingte tungah Filistia mi a site’ luanghawmte ka pia ding hi. Israel sungah Pasian khat a omlam leitung mi khempeuh in a theih nading,

1 SAMUEL MASA 17:37

Tua ciangin David in, “Humpinelkai khecin le vom khecin panin kei a hong honkhia Topa in hih Filistia-pa’ khutsung panin zong kei hong honkhia ding hi,” ci thuah lai hi. Tua ciangin Saul in David kiangah, “Pai in; Topa in nang hong ompih ta hen!” a ci hi.

Piancilna 18:14

Na khat peuhpeuh Topa a dingin haksa lua ahi hiam? A kisehsa tuzawh kha kua ciangin nang kiangah kong paikik ding a, Sarah in tapa khat nei ding hi,” a ci hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla ding a, nang na lau kei ding hi. Kihtakna tawh na kigamla ding a, nangma nai-ah tuate hong pai lo ding hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat hetkei taleh zong, kuamah in bangmah cihthei tuan lo ding hi.

Late 73:20

Amaute pen zan a mangmat tawh kibang lel a, na khanlawh ciangin amaute a bangci pian hiam, ci-in na phawk nawn kei hi.

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

2 KORIN NIHNA 1:10

Tua zahin a lauhuai sih nading panin hong honkhia khinzo a, zong hong honkhia lai ding hi. Mailam hunah zong hong honkhia kikkik ding hi, ci-in amah ka muang uh hi.

Late 37:40

Amaute in Topa beel ahih manin amah in amaute huhin honkhia a, migilote’ kiang panin amaute honin suaktasak hi.

Jeremiah 15:20

Hih mite tungah sumngo a kibawl khuakulhpi kong bangsak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding le a hong suaktasak dingin nang ka hong ompih hi, Topa in ka hong ci hi.

Jeremiah 15:21

Migilote’ khutsung panin nang kong suaktasak ding a, mi lauhuaite’ khutsung panin nang kong honkhia ding hi,” a hong ci hi.

Daniel 3:26

Tua ahih ciangin Nebukhadnezzar zong mei phualpi kong gei-ah paito a, “Shadrak! Meshak! Abednego! A lianpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 6:16

Tua ciangin kumpipa in humpinelkai kikhumna sungah Daniel a khiat dingun thu a pia hi. Amah in Daniel kiangah, “Thuman takin na biak tawntung na Pasian in hong honkhia ta hen,” a ci hi. Tua ciangin humpinelkai kikhumna sungah Daniel a khia uh hi.

Daniel 6:23

Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kaikhiato uh a, liamna themcik zong a neih lohlam a mu uh hi. Bang hang hiam cih leh amah in Pasian muang hi.

Micah 7:7

Ahi zongin ke’n ahihleh Topa mah ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Late 37:39

Topa in thuman mite honkhia a, amah pen haksat hun ciangin amaute’ bukna ahi hi.