Daniel 2:45 - Tedim Bible

⁴⁵ Kuama lawn lohpi-in mualtung pan hong tuksuk suangtum in sik, sumngo, tungman, ngun, le kham tawh kibawl milim a denpaih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong genzo hi,” a ci hi.

Tedim Bible Revision 2017

⁴⁵ Kuama lawn lohpi-in mual tung pan hong tuk suk suangtum in sik, sumngo, tungman, ngun le kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong gen zo hi,” a ci hi.

Daniel 2:45 Referans Kwoze

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuaklo ding hi,’ ci-in kigelh hi.

Piancilna 41:32

Faro’ mang nih a phakna pen tua thu Pasian’ sehsa hi, a cihnopna hi a, Pasian in tomno sungin hong tungsak ding hi.

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.

Late 48:1

Topa lian a, i Pasian’ khuapi sungah nakpitakin phat ding ahi hi.

2 SAMUEL NIHNA 7:22

Tua ahih ciangin nang na lian takpi hi, Topa Pasian aw. Ka bilun ka zakna uh tawh kizui-in nang tawh a kibang kuamah om lo a, nang simloh Pasian dang om lo hi.

Thu-hilhkikna 10:17

Bang hang hiam cih leh Topa na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-te’ Pasian, topate’ Topa ahi hi.

Piancilna 41:28

Faro’ kianga kong gen bangin Pasian in ama hih ding, Faro’ tungah hong lak khin ahi hi.

Mangmuhna 19:17

Tua ciangin ni sungah vantungmi khat a ding ka mu a, amah in vankim lai-ah a leeng vasa khempeuh nakpitakin samin, “Pasian’ pawi lianpi-ah a kikhawm dingin hong pai un.

Mangmuhna 4:1

Hih thuteng khit ciangin ka khuadak leh vantungah kong a kihongsa-in a om ka mu hi. Peengkul awging tawh a kibang, kei kiangah thu a hong gensa awging mah in, “Hih lai-ah hong paito in. Tunung ciangin thupiang dingte ka hong lak ding hi,” hong ci hi.

Mangmuhna 1:19

Tua ahih ciangin tu-a na muh, tu laitakin a om thute le tu nung ciangin a hong piang ding thute, lai sungah gelh in.

Luka 17:20

Khatvei Farisi mite pawlkhat in, cik ciangin Pasian’ Ukna hun hong tung ding ahi hiam, ci-in Jesuh dong uh a, Jesuh in, “Pasian’ Ukna pen mit tawh muhtheihin hong tung lo ding hi.

Mattiu 24:35

Van le lei a maimang zongin ka thugente maimang ngei lo ding hi.

Mattiu 21:24

Jesuh in, “Kei zong thu khat kong dong masa ding hi. Na hong dawn nak-uhleh kei zong kua thu tawh bawl cih ka hong gen ding hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl ding a, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Daniel 2:24

Tua ahih ciangin kumpipa in Babylon mipilte a that dingin a sawl pa Ariok kiangah Daniel pai a, “Babylon gam sunga mipilte that kei in. Kumpipa kiangah hong paipih in; tu-in a mangmat a khiatna ka gen ding hi,” a ci hi.

Late 145:3

Topa lian hi; nakpitakin phat ding hi a, ama liatna ngaihsutzawh ding hi lo hi.

Late 135:5

Bang hang hiam cih leh Topa lian hi, ci-in ka thei a, eite’ Topa pen pasian dang khempeuh sangin a lianzaw hi.

Late 96:4

Bang hang hiam cih leh Topa lian a, nakpitakin phat ding ahi hi; pasian dangte khempeuh sangin amah zahtak zawk ding ahi hi.

JOB (Job) 36:26

Pasian a liatna a kicingin i theizo kei a, ama kum phazah zong i simzo kei hi.

Nehemiah 9:32

“‘Tua ahih ciangin tu-in a lian, a vanglian, a kihtakhuai, thuciamna kiptakin a len kote’ Pasian aw, Assiria kumpite’ hun a kipan tuni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

Nehemiah 4:14

Mite’ launa ka muh ciangin, uliante, mi ukte, le mi khempeuh tungah, “Amaute kihta kei un. Na sanggamte, na tapate, na tanute, na zite uh, le na inn na lote uh a dingin hong dosak, a lian a kihtakhuai Topa phawk un,” ka ci hi.

1 KHANG TANGTHU MASATE 16:25

Bang hang hiam cih leh Topa lian mahmah a, nakpitakin phat ding ahi hi; pasian khempeuh sangin lamdang sakzawk ding ahi hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilhzo hi.

Daniel 2:29

Kumpipa na ihmut laitakin mailam a hong piang ding mang khat na man a, thuthukpi a lakkhia Pasian in a piang ding thu a hong lakkholzo hi.

Daniel 8:25

A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Piancilna 41:26

A hoih bawngpi sagihte, kum sagih hi a, a hoih buhvui sagihte zong kum sagih mah ahi hi. A mang khiatna a kibang ahi hi.

Late 2:9

Sik tawn khat tawh amaute na satkham ding a, beelseek pa in beel a denkhap bangin leilakah amaute na dengzan ding hi,” hong ci hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.