Daniel 2:40 - Tedim Bible

⁴⁰ Tua khit ciangin kumpi gam lina hong piang ding a, sik bangin a khauh ding hi. Sik in na khempeuh satnenin a gawivui bangin, a masa kumpi gamteng khempeuh a sukham ding hi.

Tedim Bible Revision 2017

⁴⁰ Tua khit ciangin kumpi gam lina hong piang dinga, sik bangin a khauh ding hi. Sik in na khempeuh sat nenin a gawivui bangin, a masa kumpi gam teng khempeuh a sukham ding hi.

Daniel 2:40 Referans Kwoze

Daniel 7:7

Ka et lai leh sapi lina ka mu hi. Tua sapi kihtakhuai mahmah a, lipkhaphuai-in a thupi mahmah hi. Amah in a gol mahmah sik-ha a nei hi. Amah in nene-in a nek valteng a khe tawh a tuancilgawp hi. Sapi dangte tawh kibang loin amah in ki sawm a nei hi.

Johan 11:48

Hih bangin omom sak lehang mi khempeuh in amah um ding uh a, Rom kumpite in i Biakinnpi hong suksiat sakin i minambup zong hong sugawp ding uh hi,” a kici uh hi.

Amos 1:3

Topa in hih bangin ci hi: Damaskas khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gammite gawigawp uh hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

Daniel 8:24

Amah thahat mahmah ding a, ahih hangin ama thahatna ahi kei ding hi. Amah in a dipkuathuai siatna piangsak ding a, a hihna khempeuhah a thahat mahmah ding hi. Amah in mi thahatte le Pasian’ mite a susia ding hi.

Daniel 2:33

A khete sik tawh kibawl a, a khepekte khen khat sik, khen khat tungman kigawm ahi hi.

Jeremiah 15:12

Mi khat in sik kuaitan zo lo ding ahihleh leilu lama sik le sumngo kihel khawm kuaitan zozaw ding ahi hiam?

JOB (Job) 9:17

Bang hang hiam cih leh thu themno khat hangin nakpitakin kei hong hih a, thu om lopi-in gimna tampi hong thuaksak hi.

Daniel 2:39

Nang’ khit ciangin nang’ kumpi gam sangin a neuzaw kumpi gam adang khat hong piang ding a, tua khit ciangin sumngo ahi kumpi gam a thumna in leitung khempeuh uk ding hi.

Daniel 2:41

A khepek le a khemete khen khat sik le khen khat tungman kigawm ahi na mu hi. Tua pen kumpi gam kikhenthang ding hi, cihna ahi hi. Tungman le sik kigawm ahih mah bangin sik bangin a hoih khopkhat ciang khauhna a nei ding hi.