Daniel 2:37 - Tedim Bible

³⁷ Kumpipa aw, kumpi khempeuh lak pan nang a lianpen na hi hi. Vantung Pasian in kumpi-in nang hong koih a, vangliatna, thahatna, le zahtakna a hong pia hi.

Tedim Bible Revision 2017

³⁷ Kumpipa aw, kumpi khempeuh lak pan nang a lian pen na hi hi. Vantung Pasian in kumpi-in nang hong koih a, vangliatna, thahatna le zahtakna a hong pia hi.

Daniel 2:37 Referans Kwoze

Ezekiel 26:7

“Tua ciangin kumpi khempeuh lak panin a lianpen ahi Babylon kumpipa Nebukhadnezzar, nang Taia khuapi a sim dingin kong paipih ding hi. Amah leilu lam gam pan hong kipanin galkap honpi, sakolte le a leengte, le sakol galkap honte hong tonpih ding hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Isaiah 47:5

Babylon aw, gamdai takin tu inla, khuamialna sungah pai in; bang hang hiam cih leh nang pen kumpi gamte’ tonu, hong kici nawn lo ding hi.

Late 62:11

Vangliatna pen keima a’ hi, ci-in Pasian in a genna ka zak ngeingeisa ahi hi.

Ezra 7:12

“Kumpite’ kumpi ahi Artakzaksis kiang panin vantung Pasian’ thukham a siam, siampi hi-in laithei pa lah ahi Ezra tungah:

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

Mangmuhna 5:12

Amaute in nakpitakin la sa uh a, “A kigo Tuuno in vangliatna le hauhna, pilna le thahatna, pahtawina, minthanna, le phatna, a ngah dingin kilawm hi,” a ci uh hi.

Mangmuhna 4:11

“Kote’ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Hosea 8:10

Tua bangin minam dangte a cial hangun keimah in amaute kaikhawmin gim ka pia veve ding hi. Assiria kumpipa’ bawlsiatna tawh a sawt loin gimna a ngah ding uh hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.

Daniel 4:32

Mite lak pan hong kihawlkhia ding a, gamsate tawh na tengkhawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingte’ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 4:3

“Pasian’ hong lah na lamdangte, bangzahin lian ahi hiam? A bawl na lamdangte, bangzahin vanglian ahi hiam? A tawntungin Pasian kumpi hi ding a, amah in a tawntungin a uk paisuak ding hi.

Jeremiah 28:14

Bang hang hiam cih leh Vanglian Topa, Israel mite’ Pasian in hong genin-ah: Hih gam khempeuhte’ ngawngah sik hakkol ka thuah khinzo a, amaute in Babylon kumpipa Nebukhadnezzar’ na a sem ding uh hi. Bang hang hiam cih leh gamsate nangawn ama tungah ka pia khinzo hi, ci hi,’ va ci in,” hong ci hi.

Isaiah 10:8

Bang hang hiam cih leh amah in, “Ka galkapmangte, kumpi vive hikhin hi lo ahi hiam?

Paunak 8:15

Kumpite in a gammite a ukna ding, mi ukte in ngeina man a zat theih nadingin keimah in ka huh hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi: ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih tahen. Biakinn lam dingin Jerusalem-ah amaute paito sak un,’ ci hi,” a ci hi.

1 KUMPI MASATE 4:24

Bang hang hiam cih leh amah in Eufratis nitumna lam gam sung khempeuh Tifsah panin Gaza ciang dong, Eufratis nitumna lampang kumpi khempeuh uk a, ama kiim mun khempeuhah galdaihna om hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

2 KUMPI NIHNATE 25:28

Amah in migitna kam tawh amah hopih a, Babylon sunga amah tawh a om kumpi a mat dangte khempeuh sangin a sangzaw-in amah a pahtawi hi.

Jeremiah 34:1

Babylon kumpipa Nebukhadnezzar in a galkapte khempeuh, a ukna gam khempeuh le a mi khempeuh tawh Jerusalem khua le a kiima khuapite a sim laitakin Topa in kei hong hopih a,

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Daniel 7:14

Amah in vangliatna, minthanna, le kumpi za ngah ahih manin minam kimte, minam tuamtuamte, paunam tuamtuamte khempeuh in ama na a sem ding uh ahi hi. Amah in a tawntungin uk ding a, a kumpi gam a bei ngei kei ding hi.

Daniel 2:31

“Kumpipa aw, na mangin a tee daldal milim lian mahmah khat na mu a, kihtakhuai mahmahin na mai-ah a ding hi.

Daniel 4:19

Tua ciangin Beltashazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Beltashazzar aw, mang le a khiatna huhau-in na lung mangsak zenzen kei in, a ci hi. Beltashazzar in, Kumpipa aw, nang mangmat le a khiatna pen na galte tungah tungzaw hen, a ci hi.