Daniel 2:35 - Tedim Bible

³⁵ Thakhatin sik, tungman, sumngo, ngun le khamte kitamnen gawp a, khuakhal lai-a ansi zap bangin a leengmang hi. Huih in leenmang khin ahih manin themkha beek a kimu nawn kei hi. Ahih hangin tua suangtum hong khangkhang a, mual cia hong pha-in leitung khempeuh a dim hi.

Tedim Bible Revision 2017

³⁵ Thakhatin sik, tungman, sumngo, ngun le khamte kitam nen gawp a, khuakhal lai-a ansi zap bangin a leeng mang hi. Huih in leen mang khin ahih manin themkha beek a kimu nawn kei hi. Ahih hangin tua suangtum hong khangkhang a, mual cia hong pha-in leitung khempeuh a dim hi.

Daniel 2:35 Referans Kwoze

Late 37:10

Ahih hangin tawlkhat sungin migilo pa om nawn lo ding a, ama omna mun na lim zon mahmah hangin tua lai-ah amah na om lo ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Hosea 13:3

Tua ciangin amaute pen zingsang a kaai meiilum, a maimangpak daitui, ancilna panin huih in a letkhiat ansi, meikhu suahna-a a pai meikhu bangin a maimang ding uh hi.

Isaiah 11:9

Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Mangmuhna 12:8

Ahi zongin tua gulpi guallel ahih manin tua gulpi le a vantung mite, vantungah ki-om sak nawn lo hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

1 KORIN MASA 15:25

Bang hang hiam cih leh Pasian in a galte khempeuh zo-in a khenuai-ah a koihkhit hun dong mateng Khrih in uk ding hi.

Micah 4:13

Topa in hih bangin ci hi: Jerusalem khuamite aw, kipan unla, na galte uh sugawp un. Sumngo khe le sik ki a nei bawngtal bangin note kong thahatsak ding hi. Minam tampite na sugawpzo ding uh a, amau’ neihsa teng keima-a’ na suaksak ding uh a, amau’ hauhna teng leitung buppi’ Topa’ neihsa na suaksak ding uh hi.

Late 103:16

Bang hang hiam cih leh huih in amah semin beimang a, tua mun in amah thei nawn lo hi.

Late 86:9

Topa aw, na bawlsa minam khempeuh hong pai-in na mai-ah hong kun ding uh a, nangma min hong phat ding uh hi.

Late 66:4

Leitung mi khempeuh in nangmah hong bia uh hi. Amaute in nangmah phatna la hong sak uh a, nangma minphatna la hong sak uh hi,” ci-in gen un.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

Late 37:36

Ama kiangah ka paikik a, amah na om nawn lo hi. Amah ka zonzon hangin kimuzo nawn lo hi.

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

JOB (Job) 6:17

Khua a lum ciangin tuate tui mangthang a, ni a sat ciangin a kang hi.

Isaiah 8:9

No minam dangte aw, thei unla, lungkham un. Gamlapi-ah a om gamte khempeuh aw, ngai un. Kigalging un; ahih hangin lungkiatna na thuak veve ding uh hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl ding a, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.