Daniel 2:28 - Tedim Bible

²⁸ Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilhzo hi.

Tedim Bible Revision 2017

²⁸ Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilh zo hi.

Daniel 2:28 Referans Kwoze

Piancilna 40:8

Amaute in ama kiangah, “Mang ka man uh a, tuate a khiathei ding om lo hi,” na ci uh hi. Josef in amaute kiangah, “Mang khiat theihnate Pasian’ hong piak hi lo ahi hiam? Kei kiangah hong gen un, hong thum ing,” a ci hi.

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Daniel 10:14

Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 2:22

Amah in thuthukpite le thusimte a lakkhia hi. Amah in khuamial sunga kiseelte thei a, khuavak in amah a umcih hi.

Piancilna 49:1

Tua ciangin Jakob in a tapate sam a, “A hong tung ding hunte-ah note’ tunga hong tung ding thu kong gen theih nadingin note hong kikhawm un.

Isaiah 2:2

Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,

Piancilna 41:16

Josef in Faro dawngin, “Kei’ pilna tawh mang a khiathei ka hi kei hi. Pasian in Faro’ tungah a hoihlamin dawnna hong pia ding hi,” a ci hi.

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawlkhat hong om ding a, amaute in note hong zahpih bawlin,

Mattiu 6:9

Tua ahih manin thu na nget uh ciangin hih bangin na ngen un: ‘Vantunga om kote’ Pa aw, na min siangtho kizahtak hen.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Daniel 4:5

Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Daniel 2:18

Amah in, vantung Pasian in eite hong hehpihin, tua thuthukpi genkhia thei-in, Babylon gam sunga mipil dangte tawh thahna i thuakkhawm loh nadingin thu i ngen ding hi, ci-in a gen hi.

Late 115:3

Vantungah eite’ Pasian om a, ama ut peuhpeuh a hih hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Daniel 2:47

Kumpipa in, “Hih thuthukpi hong genthei na hih manin na Pasian pen thuthuk a lak, pasian khempeuh sung pan a lianpen, kumpite’ tunga Topa ahi hi,” a ci hi.

Ezekiel 38:16

khuapi huih in gam sung a nawkgawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lahtheih nadingin keima gam a sim dingin kong sawl ding hi.

Jeremiah 30:24

A lungsim sunga a tupna teng a tangtunsak matengin, Topa’ hehna a lauhuaipi kilehkik lo ding hi. Hong pai ding hunte-ah note in na telzaw semsem ding uh hi.

Thu-hilhkikna 31:19

“Tua ahih ciangin hih lai gelh inla, Israel mite hilh in. Hih la, kei a dingin Israel mite’ langkhatah teci a suah theih nadingin amaute tungah hilh in.

Thu-hilhkikna 4:30

Note in gimna thuakin, mailam hunah hih nate khempeuh note’ tungah hong tun ciangin, Topa na Pasian uh lamah kihei-in ama thu na mang ding uh hi.

2 TIMOTI NIHNA 3:1

Nitawp ni hun pen a lauhuai hun ahih ding lamtak phawk in.

Ezekiel 38:8

Minam tuamtuamte lak panin kikaikhawm kikin a gam uh a kitutkik zawh gallauna nei loin a om Israel mite’ gam a sim dingin kum tampi khit ciangin kong sawl ding hi. Sauveipi sung kinusia-in gamkhing a suak ngei hinapi-in, tu-in a mite khempeuh lungmuang takin a omna Israel mualtung gamte a sim ding na hi hi.

Jeremiah 48:47

“Ahih hangin Topa in kong cihin-ah, nidang ciangin Moab gam a ngei bangsakin ka hausakkik ding hi,” a ci hi. Moab tungah thukhenna tu-a zah ahi hi.

Gamlak-vakna 24:14

“Tu-in en in, ka mipihte kiangah ka pai ding hi. Hong pai in; nidang ciangin hih mite in na mite’ tungah a bawl dingte kong theisak ding hi,” a ci hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

Piancilna 41:25

Tua ciangin Josef in Faro’ kiangah, “Faro’ mang tegel pen khat ahi hi. Pasian in ama bawl ding, Faro’ tungah hong kilangsak khin hi.

Jeremiah 10:7

Gam khempeuhte’ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amau’ gam sung khempeuh lakah nang tawh a kibang kuamah om lo hi.

Ezekiel 28:3

Danel sangin pil na kisa zaw a, theih loh a nei loin na kingaihsun kha hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuha mitphial siamte le aisan theite khempeuh sangin a zah sawmin a siamzawklam uh a mu hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Daniel 2:45

Kuama lawn lohpi-in mualtung pan hong tuksuk suangtum in sik, sumngo, tungman, ngun, le kham tawh kibawl milim a denpaih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong genzo hi,” a ci hi.