Daniel 2:27 - Tedim Bible

²⁷ Daniel in, “Kumpipa aw, tua na theihnop thu a hong gen thei ding khongkhai thei, mitphial siam, aisan siam kuamah om lo hi.

Tedim Bible Revision 2017

²⁷ Daniel in, “Kumpipa aw, tua na theihnop thu a hong gen thei ding khongkhai thei, mitphial siam, aisan siam kuamah om lo hi.

Daniel 2:27 Referans Kwoze

Daniel 2:2

Tua ahih ciangin bang mang man cih a hilh dingin mitphial siamte, mibum theite, le khongkhai siamte a samsak hi.

Isaiah 44:25

Zuau thugente’ hilhkholhna limte a siasak pa, aisante pen mihai a suaksak pa, mipilte lehhei kikin, amau’ thutheihte haina a suaksak pa;

Isaiah 19:3

Egypt mite’ lungsim hawmsuak ding a, amau’ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

Piancilna 40:8

Amaute in ama kiangah, “Mang ka man uh a, tuate a khiathei ding om lo hi,” na ci uh hi. Josef in amaute kiangah, “Mang khiat theihnate Pasian’ hong piak hi lo ahi hiam? Kei kiangah hong gen un, hong thum ing,” a ci hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amaute’ kiangah a mang gen a, ahih hangin Faro’ tungah a khiatna a gen thei kuamah om lo hi.

Jeremiah 10:7

Gam khempeuhte’ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amau’ gam sung khempeuh lakah nang tawh a kibang kuamah om lo hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuha mitphial siamte le aisan theite khempeuh sangin a zah sawmin a siamzawklam uh a mu hi.

Daniel 4:7

Tua ciangin aisan theite, mitphial siamte, khongkhai theite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.