Daniel 2:23 - Tedim Bible

²³ Nang pen ka pu ka pate’ Pasian na hi a, ka hong phat a, ka hong zahtak hi. Nangmah in pilna le thahatna na hong piazo hi. Ka thungetna nong za a, kumpipa kianga ka gen ding thu nong lakzo hi,” a ci hi.

Tedim Bible Revision 2017

²³ Nang pen ka pu ka pateʼ Pasian na hi a, kong phat a, ka hong zahtak hi. Nangmah in pilna le thahatna na hong pia zo hi. Ka thungetna nong za a, kumpipa kiang a ka gen ding thu nong lak zo hi,” a ci hi.

Daniel 2:23 Referans Kwoze

Daniel 2:18

Amah in, vantung Pasian in eite hong hehpihin, tua thuthukpi genkhia thei-in, Babylon gam sunga mipil dangte tawh thahna i thuakkhawm loh nadingin thu i ngen ding hi, ci-in a gen hi.

Paikhiatna 3:15

Pasian in Moses kiangah, “Hih thu Israel mite tungah gen in: ‘Topa, na pate uh’ Pasian, Abraham’ Pasian, Isaac’ Pasian, le Jakob’ Pasian in note kiangah kei hong sawl hi,’ ci in. Hih pen keima min hi tawntung ahih manin kei pen khang tawntungin phawk ding ka hi hi.

Luka 10:21

Tua laitakin Kha Siangtho in lungdamna tawh Jesuh kidimsak hi. Jesuh in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Daniel 1:17

Pasian in tua khangno lite laitheih siamna le pilna thukte a pia hi. Daniel pen maangmuhna le mangkhiat siamna a pia hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna damta a, kei hong hehnem na hih manin nang tungah lungdamna kong ko ding hi.

Late 50:14

Lungdam biakpiakna Pasian tungah pia unla, Sangpenpa tungah na thuciamnate uh bawl un.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Mangmuhna 5:5

Tua laitakin upate khat in kei kiangah, “Kap kei in. Judah minam sung panin Humpinelkai, David suan sung panin a lianpa gualzo khinta a, tua laizial ciaptehna sagihte lakhia-in a laizial phelthei ding hi,” a hong ci hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

Johan 11:41

Tua ahih manin a suangtum a likkhia uh hi. Jesuh zong van lam dakto-in, “Pa aw, ka thungetna hong ngai na hih manin ka nuam mahmah hi.

Thuhilh-sia 9:18

Galhiamte sangin pilna hoihzaw a, ahi zongin khialhna khat in a hoih tampi susia thei hi.

Thuhilh-sia 7:19

Khuapi a uk mihing sawm sangin pilna in mi khat hatsak zaw hi.

Paunak 24:5

Thahatna sangin pilna hoihzaw a, thakhauhna sangin thutheihna hoihzaw hi.

Paunak 21:22

Mipil khat in mi thahatte in a hut khuapi lazo a, amau’ muanmuan kulhpi nangawn susiazo hi.

Paunak 8:14

Thu geelin ka semkhia a, thu theihtelna nei-in, kei ka thahat hi.

2 KHANG TANGTHU NIHNATE 20:6

“Topa, ka pu ka pate uh Pasian aw, nang, vantungah Pasian hi lo na hi hiam? Minamte’ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.

1 KHANG TANGTHU MASATE 29:13

Tu-in nangma tungah ka nuam uh hi, kote’ Pasian aw, a minthang na min ka phat uh hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna-ah David in Topa phat hi. David in, “Nang, Topa, ka pu uh Israel Pasian aw, a tawntungin thupha ngah ta in.

1 KUMPI MASATE 18:36

Biakpiak hun ciangin kamsang Elijah a nai-ah hong pai-in, “Abraham, Isaac, le Israel Pasian, Topa aw, nang pen Israel sungah Pasian na hihna, le kei pen nangma nasem ka hihna, le hih nate khempeuh nangma thu tawh ka hihna thu tuni-in kitheisak in.

1 KUMPI MASATE 8:57

I pu i pate a ompih mah bangin Topa i Pasian in eite hong ompih hen la, eite hong nusia kei hen la, hong taisan kei hen.

Piancilna 18:17

Topa in a lungsimah, “Abraham a lian a thahat minam suakin, leitung minam khempeuh in ama thupha ngah bangin thupha a ngah nadingun hong ngen ding hi, ci-in thei ahih manin, tu-a ka hih ding thu Abraham’ tungah im ding ka hi hiam?

Johan 15:15

Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin ka hih manin note, lawm, ka hong ci zaw ding hi.

Thuhilh-sia 9:16

Thahatna sangin pilna hoihzaw ka ci hi; ahi zongin kuamah in mizawngte a pil dingin ngaihsun lo a, mizawngte’ thugen kuamah in thudonin nei lo hi.

Piancilna 31:42

Ka pa’ Pasian, Abraham’ Pasian, le Isaac’ Zahtak pa in kei hong ompih lo hileh, tu-in nangmah in khut hawmguakin kei nong sawlkhia taktak ding hi. Pasian in ka thuakna le ka nasepna mu a, zan zanin nang hong thuhilh hi,” a ci hi.

Late 21:2

Ama lungsim deihna teng nangmah in na pia khin a, ama hong ngette na khaktan kei hi.

Late 21:4

Nangma tung panin amah in nuntakna hong ngen a, ama tungah nuntak sau na pia hi.

Jeremiah 33:3

Kei nong sap leh kong dawngkik ding a, na theih ngei nai loh a ki-imcip thu lianpite kong gen ding hi.