Daniel 2:11 - Tedim Bible

¹¹ Kumpipa’ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

Tedim Bible Revision 2017

¹¹ Kumpipaʼ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

Daniel 2:11 Referans Kwoze

Daniel 5:11

Na gam sungah Pasian’ kha a nei mi khat a om hi. Na pa kumpi ahih laitakin, tua mipa in pasian-te’ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte, le aksi et siamte’ ukpi dingin a koih hi.

2 KORIN NIHNA 6:16

Pasian’ biakinn le lawkite’ milim bangci kilem theih ding ahi hiam? Bang hang hiam cih leh Pasian in, “Ka mite lakah tengin amaute tawh ka omkhawm ding hi. Kei pen amaute’ Pasian ka hi ding a, amaute, keima mi ahi ding uh hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Johan 14:17

Leitung mite in tua Kha Siangtho mu thei lo, theithei lo uh ahih manin sang thei lo ding uh hi. Ahi zongin note sungah tua Kha Siangtho hong om ding ahih manin note in na thei ding uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Mattiu 19:26

Ahi zongin Jesuh in amaute enin, “Mihingte’ hihzawh ding hi lo mah hi; ahi zongin Pasian in na khempeuh hihthei hi,” a ci hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Paikhiatna 29:45

Israel mite lakah keimah tengin amau’ Pasian ka hi ding hi.

Piancilna 41:39

Tua ahih ciangin Faro in Josef kiangah, “Pasian in hihte khempeuh nang hong lak khin ahih manin, nang bangin thu ngaihsun siam le a pil midang om lo hi.

Mangmuhna 21:3

Tokhom panin nakpitakin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih ding a, amaute pen ama mite hi ding uh hi. Pasian mahmah amaute tawh omkhawm ding a, amah pen amaute’ Pasian hi ding hi.

Isaiah 8:18

En un, Topa in kei hong piak ka tate le keima pumpi pen Zion Mual tungah a teng Vanglian Topa’ tung panin Israel mite’ sungah lim le kihilna ka hi uh hi.

Late 132:14

“Hih mun pen ka om tawntungna ding ahi hi; hih mun deih ka hih manin hih lai-ah ka teng ding hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mihonte le mi lehdote’ tung nangawn panin piakkhong nate na ngah hi.

2 KHANG TANGTHU NIHNATE 6:18

“Ahih hangin Pasian pen mite tawh leitungah hong teng takpi ding ahi hiam? En in, vantung le a sangpen vantung in nang hong huam zo lo hi; hih keima lamsa biakinn in hong huam zo lo zaw kan ding!

1 KUMPI MASATE 8:27

“Ahih hangin leitungah Pasian teng taktak ding ahi hiam? Vantung le vantung a sangpen in nang hong huam zo lo hi. Tua ahih manin keima lamsa hih biakinn in bangzahin nang hong huam zo lo zaw kan ding ahi hiam?

Gamlak-vakna 35:34

A laizangah keimah ka tenna leitang na ninsak kei ding uh hi; bang hang hiam cih leh Topa keimah, Israel mite’ laizangah ka teng hi, ci hi, ci-in gen in,” a ci hi.

Paikhiatna 8:19

Mitphial siamte in Faro’ kiangah, “Hih pen Pasian’ nasepna ahi hi,” ci uh hi. Ahih hangin Faro’ lungsim khauh a, Topa’ gensa bangin amah in amaute’ thu ngai lo hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amaute’ kiangah a mang gen a, ahih hangin Faro’ tungah a khiatna a gen thei kuamah om lo hi.

Isaiah 47:12

Na neulai a kipan na sep na mibumna le na aisannate ah kiptakin om in. Phattuamna na ngah kha ding a, mite na lausakzo kha ding hi.

Daniel 4:4

“Keimah Nebukhadnezzar lungnuam takin kumpi inn-ah ka teng a, nuamsa mahmahin ka om hi.