Daniel 12:4 - Tedim Bible

⁴ Tu-in Daniel aw, beina hun a tun mateng laibu khupcip inla, a tungah ciaptehna koih in. A kallakah mi tampite in bang thu piang hiam cih theitel nuamin a hanciam ding uh hi,” a hong ci hi.

Tedim Bible Revision 2017

⁴ Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Daniel 12:4 Referans Kwoze

Daniel 12:9

Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Mangmuhna 22:10

Tua ciangin vantungmi in kei kiangah, “Hih laibu sungah a kigelh thute a tun ding hong naita ahih manin imcip kei in.

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Daniel 8:17

Gabriel hong pai-in ka kiangah hong ding a, laulua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

Mangmuhna 10:4

Tua van sagih a gingte’ thugen a mankhit phetin tua a thugente lai-ah a gelh dingin ka kithawi hi. Ahi zongin vantung panin awging khat ka za a, “Tua thute lai-ah gelh kei inla, tua van sagih a gingte’ thugen imcip in,” hong ci hi.

Daniel 12:13

Nang Daniel na hih leh a tawp dong muanhuai takin om in. Tua ciangin na si ding a, ahi zongin hun a bei ciangin thaman a sang dingin na hingkik ding hi,” a hong ci hi.

Isaiah 32:3

Tua ciangin amau’ mit in mi cimawhte’ kisapna mu ding uh a, amau’ bil in mi cimawhte’ thugen ngai ding uh hi.

Isaiah 8:16

Ka nungzuite aw, Pasian in kei tungah hong piak hih thute, limtakin kemin koihcing un.

Mattiu 24:14

Tua ciangin mi khempeuh tungah teci ahi dingin Pasian’ hong ukna hangin a lungdamhuai thu, leitung khempeuhah kihilh ding hi. Tua khit ciangin beina hong tung ding hi.

Isaiah 11:9

Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Daniel 11:40

“Syria kumpipa’ hun a bei dektak ciangin, Egypt kumpipa in amah a sim ding hi. Syria kumpipa in a thaneihteng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Daniel 11:33

Pilna a nei mite in a pilna uh midang tampite tawh a neikhawm ding uh hi. Ahih hangin tawlkhat sung mi pawlkhat in galsung a sihna le meikuang sunga thahna a thuak ding uh hi. Mi pawlkhatte in lawkgawpna le thongkiatna a thuak ding uh hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amau’ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Daniel 10:1

Sairas, Persia gam kumpi a suahzawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theihtelhak mahmah ahih manin maangmuhna tawh teltakin a kilak hi.

Isaiah 30:26

Tua tham loin, Topa in ama mite’ liamma tuamin ama satna meimate a damsak ni ciangin, khataang pen nitaang bang ding a, nitaang pen ni sagih sunga taangzah bangin a zah sagihin a taang ding hi.

Mangmuhna 5:1

Tua ciangin, tokhom tungah a tupa in a taklam khutah a tawi laizial tawn khat ka mu hi. Tua a laidal tung a langnih tuakah lai kigelhin a kizialcip khit ciangin a kiphel theih loh nadingin mun sagih-ah kiciamteh hi.

Isaiah 29:11

Hih maangmuhnate khempeuh pen note a dingin ahihleh a kimatcip laibu sunga thu om tawh a kibang a suak hi. Mite in lai a sim thei pa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uhleh tua khua’ mawhna ka maisak ding hi.

Daniel 10:14

Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 12:5

Tua ciangin keimah Daniel in gun pang tuak a ding mi nih ka mu hi.

Daniel 8:19

Amah in, “Pasian’ hehna hangin thupiang dingte ka hong lak ding hi. Na maangmuh pen hun beina ding lahna ahi hi.