Daniel 12:11 - Tedim Bible

¹¹ Amaute in nisim biakpiakna a khawlsak, a Lipkhaphuai na a hong pian’ ciangin ni tulkhat zanih sawmkua sung a sawt ding hi.

Tedim Bible Revision 2017

¹¹ Amaute in nisim biakpiakna a khawlsak, a Lipkhaphuai na a hong pian ciangin ni tul khat za nih sawm kua sung a sawt ding hi.

Daniel 12:11 Referans Kwoze

Daniel 11:31

A galkapte pawlkhat in biakinnpi le biakinnpi huang a ninsak ding uh hi. Amaute in nisim biakpiaknate khawlsak ding uh a, a Lipkhaphuai na a suang ding uh hi.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Marka 13:14

“Ama om loh nading pi-ah a lipkhaphuai zehphitna a hong om na muh uh ciangin (hih lai a simte in Jesuh’ cihnopna thei ta un!) Judea gam a om mite mualtungah tai un.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gangawh biakna le biakpiakna, hih hunlang sung a khawlsak ding hi. Biakinn dawn sangpen munah a Lipkhaphuai na kikoih ding hi; ahi zongin Pasian in tua a koihpa’ thuak dingin a geelsa thu a koihpa in a thuak hun ciang dong, a Lipkhaphuai na pen a koihna mun mahah omlai phot ding hi,” hong ci hi.

Mangmuhna 13:5

Tua ganhing, kiphatsakna le kam khel nono a pautheih nading le kha sawm le nih sung aana a zattheih nadingin thu kipia hi.

Mangmuhna 11:2

Ahi zongin biakinn pualam tualte teh kei in. Minam dangte’ khut sungah kipia khin a, amaute in kha sawmli le nih sung Khuapi Siangtho tuancilgawp ding uh ahih manin tua a tualte teh loin nusia lel in.

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Daniel 1:12

Amah in, “Ni sawm sung hong ze-etin, anteh bek hong nesak inla, tui bek hong dawnsak in.

Mangmuhna 12:6

A numei pen Pasian in ama a dingin a bawl kholhsakna mun gamlakah tai a, tua munah ni tulkhat zanih sawmguk sung kikhoi ding hi.

Ezekiel 4:6

Hih bangin na gamtat khit ciangin na taklam delhphahin na kihei leuleu ding a, Judah mite’ mawhna ni sawmli sung gim na thuak leuleu ding hi. Nangma thuak ni khat pen amau’ thuak ding kum khat tang ahi hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Paikhiatna 29:38

“Tu-in biakna tau tungah na piak tawntung dingte hih bang ahi hi: Nisimin a kizomin kum khat a pha tuuno nihta hi ding hi.