Biblia Todo Logo
Bib sou entènèt

- Piblisite -




Daniel 11:45 - Tedim Bible

45 Amah in a kumpi puanbuk lianpite biakinn dinna mualtung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Gade chapit la Kopi

Tedim Bible Revision 2017

45 Amah in a kumpi puanbuk lianpite biakinn dinna mual tung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Gade chapit la Kopi




Daniel 11:45
29 Referans Kwoze  

Tua A Gilopa in mite’ biak pasian a kici khempeuh le na khempeuh nialgawp ding hi. Tuate khempeuh sangin a lianzaw-in a kingaihsut banah, Pasian ka hi hi, ci-in Pasian’ biakinn sung mahmahah pai-in va tu ding hi.


A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.


Leitung khempeuhah amaute pai uh a, Pasian’ mi siangtho omna mun le Pasian in a it khuapi umcih uh hi. Ahi zongin vantung panin meikuang hong paisukin amaute a kangtum hi.


Amah in tanglai gulpi, Dawimangpa ahih kei leh Satan zong a kici pa manin kum tulkhat sung a hencip hi.


A khamcip pa a kilakkhiat khit ciangin A Gilopa hong kilang ding a, Topa Jesuh hong pai ciangin tua A Gilopa mutlum ding a, vanglian minthangin hong kilatna tawh a maimangsak ding hi.


Tua ni hong tun ciangin Jerusalem khua panin tuicim hong luangkhia ding a, kimkhat, nisuahna lamah a om Si Tuipi-ah luang ding a, kimkhat, nitumna lamah a om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.


Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.


Leilu lam gam panin a hong pai mite, note kiang panin sehnel gamah ka hawlkhia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin a luanghawmte uh uihgawp ding hi.


Amah in Thuciamna Gam zong sim ding a, mi tul tampi tak a that ding hi. Ahih hangin Edom gam, Moab gam, le Ammon gam sungah a omlai sunteng a suakta ding uh hi.


Galdo zo ding om nawn lo uh ahih manin a galte uh a ututin a gamta ding uh hi. Thuciam Gamah zong lutin a khut sungah tua gam a om ding hi.


“Tua ciangin thukhenna hun hong kipan ding a, ama vangliatna lakkhiat sakin, amah a kisusia maimang ding hi.


Thakhatin sik, tungman, sumngo, ngun le khamte kitamnen gawp a, khuakhal lai-a ansi zap bangin a leengmang hi. Huih in leenmang khin ahih manin themkha beek a kimu nawn kei hi. Ahih hangin tua suangtum hong khangkhang a, mual cia hong pha-in leitung khempeuh a dim hi.


Mundang khatah nang kong paisak ding a, leilu lam gam pek panin Israel mualtung gamah kong tunpih ding hi.


Nang in na lungsim sungah, ‘Vantungah ka kahto ding hi. A sangna mun, Pasian’ aksite’ tung pekah ka kumpi tokhom ka koih ding a, leilu lam peka kikhopna mualtungah ka tu ding hi.


Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,


Kumpi lianpa’ khuapi, leilu lama a om ama mual siangtho hoihin a sang mahmah Zion mual pen leitung khempeuh’ lungdamna ahi hi.


Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.


Tua ni ciangin peengkul lianpi khat kitum ding a, Assiria gam sunga a mangthang mite le Egypt gam sunga a kihawlkhia mite hong pai-in Jerusalem mual siangtho tungah Topa hong bia ding uh hi.


Keivom le tuuno in an nekhawm ding uh a, humpinelkai in bawngtal bangin buhkung ne ding hi. Leivui pen gulpi’ an hita ding a, mite hong tu nawn lo ding hi. Keima mual siangtho tung tengah amaute kiliamsak lo ding uh a, kisusia lo ding uh hi, Topa in ci hi,” a ci hi.


Israel mite in beel siangtho sungah an tawh amau biakpiakna tawi-in Topa’ biakinn-ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte, le late, kalaoh hatte tungah hong pua-in ka mual siangtho Jerusalem-ah hong paipih ding uh hi, Topa in ci hi.


Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uha mite khempeuh in Jerusalem le na mite a hong simmawh uh hi.


Keima mawhna le ka mipih Israel-te’ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.


Tua ciangin, nisuahna lam le saklam panin thupiang in amah patausak ding a, thangpaihna tawh galdo-in mi tampi tak a that ding hi.


Azmon panin Egypt Lui lamah kawi-in Tuipi-ah tawp ding hi.


Topa in Zion Mual le Jerusalem khua-ah ama nasep dingteng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.


Swiv nou:

Piblisite


Piblisite