Daniel 11:37 - Tedim Bible

³⁷ Kumpipa in a pu a pate’ biak pasian le numeite in a it pasian a thusim kei ding hi. Pasian a kici peuhmah khat beek a thusim kei ding hi. Bang hang hiam cih leh tuate sangin amah a lianzaw-in a kingaihsun hi.

Tedim Bible Revision 2017

³⁷ Kumpipa in a pu a pateʼ biak pasian le numeite in a it pasian a thusim kei ding hi. Pasian a kici peuhmah khat beek a thusim kei ding hi. Bang hang hiam cih leh tuate sangin amah a lian zaw-in a kingaihsun hi.

Daniel 11:37 Referans Kwoze

2 THESALONIKA NIHNA 2:4

Tua A Gilopa in mite’ biak pasian a kici khempeuh le na khempeuh nialgawp ding hi. Tuate khempeuh sangin a lianzaw-in a kingaihsut banah, Pasian ka hi hi, ci-in Pasian’ biakinn sung mahmahah pai-in va tu ding hi.

Isaiah 14:13

Nang in na lungsim sungah, ‘Vantungah ka kahto ding hi. A sangna mun, Pasian’ aksite’ tung pekah ka kumpi tokhom ka koih ding a, leilu lam peka kikhopna mualtungah ka tu ding hi.

1 TIMOTI MASA 4:3

Tua bang mite in zi neih le pasal neih ding le an pawlkhat nek ding hoih lo hi, ci uh hi. Ahi zongin thu umin, thuman thutak a thei mite in lungdamna ko-in a nek dingin Pasian in tua ante a bawl ahi hi.

Ezekiel 24:16

“Mihing ahi Ezekiel aw, na it penpen mi khat thakhatin a hong laksak ding ka hi hi. Na thum na tau kei ding a, zong kap loin, na khitui zong na luangsak kei ding hi.

Solomon la 7:10

Ka ngaihno a’ ka hi a, amah in kei hong deih hi.

Thu-hilhkikna 21:11

salte lakah numei a melhoih khat mu-in, tua nu deihin na zi dingin na lak nop leh,

Thu-hilhkikna 5:21

“‘Na vengte uh zi zong na deihgawh kei ding uh hi. Na vengte’ inn, a lo, a nasempa, a nasemnu, a bawngtal, a la, ahih kei leh na vengte’ na khat peuhpeuh na deihgawh kei ding uh hi,’ ci hi.

Piancilna 3:16

Tua ciangin numei kiangah, “Naupaiina-ah na gimna nakpitakin ka khangsak ding a, na a sapipi-in nau na nei ding hi. Ahi zongin na pasal mah na deih ding a, amah in nang tungah hong uk ding hi,” a ci hi.

Piancilna 3:5

Bang hang hiam cih leh tua singgah na nek ciangun na mitte uh hong vak ding a, a pha le a sia thei-in, Pasian tawh na kibat ding lamtak uh Pasian in thei hi,” a ci hi.

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lianzaw a, a Lianpen Pasian sangin zong ka thupizaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 11:38

Tua pasian-te sangin kulhpi a dal pasian a thupisim zaw ding hi. Amah in kham, ngun, suangmanpha, le a thupi letsongte, a pu a pate’ biak ngei loh pasian kiangah a pia ding hi.

Isaiah 14:14

Meiite’ tung pekah ka kahto ding a, Sang Pen pa bangin ka kibawl ding hi,’ na ci hi.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gennop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.