Daniel 11:35 - Tedim Bible

³⁵ Mi pawlkhat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasian’ sehsa hun a tunna ahi hi.

Tedim Bible Revision 2017

³⁵ Mi pawl khat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasianʼ seh sa hun a tunna ahi hi.

Daniel 11:35 Referans Kwoze

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.

Paunak 17:3

Kham le ngunte mei sungah kize-et a, mihingte’ lungsim Topa in ze-et hi.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Daniel 11:40

“Syria kumpipa’ hun a bei dektak ciangin, Egypt kumpipa in amah a sim ding hi. Syria kumpipa in a thaneihteng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Daniel 8:10

Vantung galkapte nangawn a dozo zah dong dingin a thahatna hong khangto a, aksi pawlkhatte leitungah lawnkhia-in, a tuancilgawp hi.

Thu-hilhkikna 8:16

a tawpna-ah a hoihin na gamtat theih nading uh a deihna-in note hong niamkhiatin a hong ze-et theih nadingin na pu na pate un a theih loh manna tawh sehnel gamah a hong vak Topa na Pasian uh na mangngilh kha ding uh hi.

Mangmuhna 17:17

Bang hang hiam cih leh Pasian in ama thugente a tuntheih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amau’ ukna aana a piasak hi.

Mangmuhna 14:15

Biakinn sung panin vantungmi khat hong paikhia a, meiipi tungah a tu mipa nakpitakin samin, “Leitung mite lak dingin min mahmah a, a lak hun hong tungta ahih manin na phiaukawi tawh at in,” a ci hi.

Johan 20:25

Tua ahih manin nungzui dangte in ama kiangah, “Topa ka mu uh hi,” a cih uhleh amah in, “A khut, siktukkilh tawh a kikilhna mate mu-in, tua a siktukkilh ma vangah ka khutmete ka va khum teek kei a, ama pangpi zong ka khut tawh ka lawn’ teek kei leh ka um kei ding hi,” a ci hi.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Mattiu 26:56

Ahi zongin Lai Siangtho sungah kamsangte’ thugente a tuntheih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesuh nusia-in a taisan uh hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallakah mi tampite in bang thu piang hiam cih theitel nuamin a hanciam ding uh hi,” a hong ci hi.

Daniel 11:33

Pilna a nei mite in a pilna uh midang tampite tawh a neikhawm ding uh hi. Ahih hangin tawlkhat sung mi pawlkhat in galsung a sihna le meikuang sunga thahna a thuak ding uh hi. Mi pawlkhatte in lawkgawpna le thongkiatna a thuak ding uh hi.

Daniel 11:29

“Tua nung ciangin Egypt gam simkik leuleu ding a, ahih hangin a masa-a bangin a piang kei ding hi.

Daniel 11:27

Tua kumpi tegel in sabuai khat tungah tu-in an a nekhawm ding uh hi. Ahih hangin a ngaihsutna uh a hoih zawsang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngahzo kei uh hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gangawh biakna le biakpiakna, hih hunlang sung a khawlsak ding hi. Biakinn dawn sangpen munah a Lipkhaphuai na kikoih ding hi; ahi zongin Pasian in tua a koihpa’ thuak dingin a geelsa thu a koihpa in a thuak hun ciang dong, a Lipkhaphuai na pen a koihna mun mahah omlai phot ding hi,” hong ci hi.

Daniel 8:19

Amah in, “Pasian’ hehna hangin thupiang dingte ka hong lak ding hi. Na maangmuh pen hun beina ding lahna ahi hi.

Daniel 8:17

Gabriel hong pai-in ka kiangah hong ding a, laulua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

2 KHANG TANGTHU NIHNATE 32:31

Tua ahih ciangin gam sung omzia lim a kan dingin ama kiangah a kisawl Babylon uliante’ kamtaite tawh kisai-in, amah a ze-etna ding le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

Sawltak 13:13

Tua ciangin Pafos khua panin Paul le a lawmte teembaw tuangin Pamfilia gam Perga khua a tung uh hi. Tua khua panin Johan Marka in amaute nusia-in Jerusalem khua-ah a ciahkik hi.

Habakkuk 2:3

Hih thu a tunna ding hun hi pah nai lo ahih manin lai-in ciamteh in. Ahi zongin hong tung baihta ding a, kong lah khempeuh a manin hong tung ding hi. A tung hak tawh a kibangkha ahi zongin ngak keikai in. Ka seh hun a cin ciangin hong tung takpi ding a, zekai lua nawn lo ding hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a dinglai om nawn lo hi. Hih thu hangin Jakob’ mawhna kimaisakin a mawhna kilakkhiatsak hi.

Daniel 12:3

A pilte ahih uhleh vantung khuavak tawh a taangkhawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.