Daniel 11:34 - Tedim Bible

³⁴ Tua bangin thahna a thuak laitakun, pawlkhat in huhna a ngah ding uh hi. Mi tampi in huhna a piak uh hangin amau’ meetna ding ngaihsutna bek ahi hi.

Tedim Bible Revision 2017

³⁴ Tua bangin thahna a thuak laitakun, pawl khat in huhna a ngah ding uh hi. Mi tampi in huhna a piak uh hangin amauʼ meetna ding ngaihsutna bek ahi hi.

Daniel 11:34 Referans Kwoze

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

Mattiu 7:15

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Mangmuhna 12:13

Gulpi in leitungah a kilawnkhia khin ahihlam a kitheih ciangin ta pasal a nei nupi a delh dingin hong kithawi hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei-pasal paktatna gamta-in milim biakna ante a ne uh hi.

Juda 1:4

Bang hang hiam cih leh Pasian’ thu a ngaihsun lo mi pawlkhat, eite lakah kuama phawk lohin hong lutsim uh a, amaute’ mawh gamtat ngamnate a seelna-un Pasian’ hehpihna thupha a lehlamin hei-in, eite in khat bek i neih i Mangpa le i Topa ahi Jesuh Khrih a nial uh hi. Hih bang mite’ gimthuak ding thu tanglai pekin Lai Siangtho in a gensa thu ahi hi.

2 JOHAN NIHNA 1:7

Bang hang hiam cih leh leitungah midangte a khem tampi hong omta a, tua mite in Jesuh Khrih, mihing banga hong paina thu a nial uh hi. Tua bang mite pen mi khemte hi a, Khrih’ Gal ahi uh hi.

1 JOHAN MASA 4:5

Kamsang a kineihkhemte in leitung thu gen uh a, amaute pen Pasian a thei lo hih leitung mite tawh kipawl uh ahih manin leitung mite in amau’ thugen a ngai uh hi.

Titu 1:11

Sum ngahtheih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

2 TIMOTI NIHNA 4:3

Mite in thuman a ngaih nop loh hun, amaute’ deihna bek a zuihnop hun, amaute’ zaknop thute bek a gen ding sia a cial thuahthuah hun hong tung ding hi.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suakvat ding hi.

Daniel 11:32

Kumpipa in tua biakna a nusia mite a thuzawh theih nadingin zuaugen siamna a zang ding hi. Ahih hangin Pasian’ nung a zui mite ahih uhleh thahatin a gualzo ding uh hi.