Daniel 11:33 - Tedim Bible

³³ Pilna a nei mite in a pilna uh midang tampite tawh a neikhawm ding uh hi. Ahih hangin tawlkhat sung mi pawlkhat in galsung a sihna le meikuang sunga thahna a thuak ding uh hi. Mi pawlkhatte in lawkgawpna le thongkiatna a thuak ding uh hi.

Tedim Bible Revision 2017

³³ Pilna a nei mite in a pilna uh midang tampite tawh a neikhawm ding uh hi. Ahih hangin tawl khat sung mi pawl khat in gal sung a sihna le meikuang sunga thahna a thuak ding uh hi. Mi pawl khatte in lawk gawpna le thongkiatna a thuak ding uh hi.

Daniel 11:33 Referans Kwoze

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Mattiu 24:9

“Tua ciangin note hong kibawlsia-in hong kithat ding a, keima hangin Gentail mi khempeuh in note hong mudah ding uh hi.

Malakhi 2:7

Siampite’ nasep pen Pasian a manin theih nading a hilh ding uh ahi hi. Amaute pen, Vanglian Topa’ kamtaite ahih manun, mite in keima deihna a theih nadingun amaute’ tungah thu a dot ding uh ahi hi.

Mangmuhna 17:6

Tua ciangin mi siangthote le Jesuh tungah a cihtak uh manin a kithat mite’ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Hebru 11:34

meikuangpi mitsak thei-in, sih nading panin suakta uh a, ginalo napi-in thahat uh a, gal sungah thahatin gamdang galkapte a zogawp uh hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Mangmuhna 6:9

Ciamtehna ngana a hon ciangin Pasian’ thu a genna hang le Pasian’ thu citakin teci a panna uh hangin a kithat mite’ kha, biakna tau nuai-ah a om ka mu hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Mangmuhna 1:9

Note’ sanggam keimah Johan in Jesuh tawh kipawlna hangin note mah bangin bawlsiatna thuakin, Pasian’ Ukna sungah omin, lungduai takin a thuak mipa ka hi hi. Pasian’ thu le Jesuh’ hong gen thumante ka genna hangin Patmos a kici tuikulh-ah kei hong kikoih hi.

2 TIMOTI NIHNA 4:6

Kei ka hih leh Pasian biakna-in hong kipiak ding hun hong tungta hi. Hih leitung nuntakna ka nusiat ding hun hita hi.

2 TIMOTI NIHNA 1:12

Tua ahih manin hih bangteng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsakzo ding hi, ci-in thei ka hih manin ka maizum het kei hi.

1 KORIN MASA 4:9

Ko sawltakte pen vantungmi le leitung mi khempeuh in a et dingin mipi’ mai-ah thahna a thuak dingin thukhenna a kipia mi bangin Pasian in a zaneu penin hong koih tawntung tawh kibang ka sa hi.

Sawltak 14:21

Paul le Barnabas in Derbe khua-ah Lungdamna Thu hilh uh a, mi tampi in Pasian a um uh hi. Tua lai panin kileh kikin Lystra khua, Ikonium khua, le Pisidia gam a om Antiok khua-ah a pai uh hi.

Sawltak 11:26

Saul a muh ciangin Antiok khua-ah a paipih hi. Kum khat sung tawntung tua lai-a om pawlpi mite tawh amau tegel omkhawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 20:23

Jesuh in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilama tutding pen kei’ hong piaktheih hi lo hi. Ka Pa in a sehsa mite a’ ding bek ahi hi,” a ci hi.

Mattiu 13:11

Jesuh in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.