Daniel 11:32 - Tedim Bible

³² Kumpipa in tua biakna a nusia mite a thuzawh theih nadingin zuaugen siamna a zang ding hi. Ahih hangin Pasian’ nung a zui mite ahih uhleh thahatin a gualzo ding uh hi.

Tedim Bible Revision 2017

³² Kumpipa in tua biakna a nusia mite a thu zawh theih nadingin zuaugen siamna a zang ding hi. Ahih hangin Pasianʼ nung a zui mite ahih uh leh thahatin a gualzo ding uh hi.

Daniel 11:32 Referans Kwoze

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

Late 9:10

Topa aw, nang a hong zongte nusia lo na hih manin, na min a theite in nang hong muang uh hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cihin-ah, amaute in a neupen panin a lianpen dongin, a vekpi-un kei a hong thei ding uh hi. Bang hang hiam cih leh amau’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Paunak 26:28

Zuaugenna in midik kimlai a mawh bangsak a, tungtham beka thugenna in siatna bek piangsak hi.

Paunak 19:5

Thuman gen lo teci in gim tuak pelmawh ding a, zuaugen mi suakta lo ding hi.

Mangmuhna 6:11

Tua ciangin amaute tungah puantualpi a kang khat ciat kipia a, amaute a kithah mah bangin a kithat lai ding a naseppihte uh le a sanggamte uh a kim matengin tawlkhat sung a tawlngak lai nading uh kigen hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suakvat ding hi.

Daniel 11:34

Tua bangin thahna a thuak laitakun, pawlkhat in huhna a ngah ding uh hi. Mi tampi in huhna a piak uh hangin amau’ meetna ding ngaihsutna bek ahi hi.

Nehemiah 4:14

Mite’ launa ka muh ciangin, uliante, mi ukte, le mi khempeuh tungah, “Amaute kihta kei un. Na sanggamte, na tapate, na tanute, na zite uh, le na inn na lote uh a dingin hong dosak, a lian a kihtakhuai Topa phawk un,” ka ci hi.