Daniel 11:30 - Tedim Bible

³⁰ Rom mite, teembaw tawh hong pai-in amah do ding uh ahih manin a lau ding hi. Tua ciangin amah kilehkik ding a, a thangpaihna tawh Pasian’ mite’ biakna suksiat ding a hanciam ding hi. Amah in tua biakna a nusia mite’ zolsimna a mang ding hi.

Tedim Bible Revision 2017

³⁰ Rom mite, teembaw tawh hong pai-in amah do ding uh ahih manin a lau ding hi. Tua ciangin amah kilehkik dinga, a thangpaihna tawh Pasianʼ miteʼ biakna suksiat ding a hanciam ding hi. Amah in tua biakna a nusia miteʼ zolsimna a mang ding hi.

Daniel 11:30 Referans Kwoze

Piancilna 10:4

Javan’ tapate: Elishah, Tarshish, Kittim, le Dodanim ahi hi.

Gamlak-vakna 24:24

Ahih hangin Kittim panin teembawte hong pai-in Asshur le Eber gimsak ding a, amah in zong siatna tuak ding hi,” a ci hi.

Daniel 11:28

Tua ciangin Syria kumpipa, a galvan lakteng tawh a gamah ciahkik ding a, Pasian mite’ biakna suksiatsak ding a lungngai ding hi. A utbang peuhin gamta ding a, tua ciangin a gam lamah a ciahkik ding hi.

Jeremiah 2:10

Bang hang hiam cih leh nitumna lamah Saipras tuikulh mong dong kantan unla va en dih un. Nisuahna lamah Kedar gamah mi sawl unla limtakin kan dih un; tua bang thu a piang ngei peuhmah hiam, en dih un.

Isaiah 23:12

Amah in, “Sidon khuapi aw, na lungdamna teng bei khinta hi. Na mite in nenniamna thuak uh a, Saipras tuikulh-ah a va tai uh hangin, tua lai nangawnah lungnopna hun nei lo ding uh hi,” ci hi.

Isaiah 23:1

Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

Mangmuhna 12:12

Tua ahih manin vantungte le tuate sungah a teng mi khempeuh aw, lungdam un! Ahi zongin vantung panin Dawimangpa hong kilawnkhia suk a, hun tomno bek a neilai ahihlam thei ahih manin leitung le tui tungah a omte a dingin lauhuai mahmah ding hi,” hong ci hi.

Mattiu 24:10

Tua hun ciangin mi tampi in a upna uh khahsuah ding a, khatlekhat kimudahin khatlekhat kilehhek ding uh hi.

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.

Ezekiel 27:6

Nangmah hawh nadingin Bashan tawsaw singte la uh a, Grik tuikulh panin a kila taaksante tawh na sual ding bawl uh a, saiha pak tawh nang hong zem uh hi.

Nehemiah 6:12

Tua ciangin a thusim ka phawkkhia hi. Pasian in tua bang thu a gen dingin amah a sawl hi lo a, Tobiah le Sanballat in tua bangin thugen dingin golhguk a na pia na hi a, ama thugenna pen keimah suksiat nopna ahi hi.

1 KHANG TANGTHU MASATE 1:7

Javan’ suante: Elishah mite, Tarshish mite, Kittim mite, le Rodanim mite ahi uh hi.

Daniel 11:29

“Tua nung ciangin Egypt gam simkik leuleu ding a, ahih hangin a masa-a bangin a piang kei ding hi.