Daniel 11:26 - Tedim Bible

²⁶ Ama muan pen a thudot mipilte in amah lehbawlin a siasak ding uh hi. A galkapte tampi tak si ding ahih manin gal a lel ding hi.

Tedim Bible Revision 2017

²⁶ Ama muan pen a thudot mipilte in amah leh bawlin a siasak ding uh hi. A galkapte tampi tak si ding ahih manin gal a lel ding hi.

Daniel 11:26 Referans Kwoze

Daniel 11:10

“Syria kumpipa’ tate, galsim dingin kithawi-in galkap ding mi tampi a kaikhawm ding uh hi. Tua galkapmangte khat thahat diakin tuikhang bang ding a, galte’ kulhpi a luhzo ding hi.

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Marka 14:20

Jesuh in amaute kiangah, “No sawm le nihte sung, kei tawh an kuang a sawkkhawmte mah sungpan ahi hi.

Mattiu 26:23

Jesuh in, “Ankuang ka sawk khawmpih pa in kei hong lehhek ding hi.

Daniel 11:40

“Syria kumpipa’ hun a bei dektak ciangin, Egypt kumpipa in amah a sim ding hi. Syria kumpipa in a thaneihteng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Daniel 11:22

Ama thu a nial galkap honpite le Pasian’ siampi liante khempeuh a mangthangsak ding hi.

Late 41:9

Ka muan, ka lawm it pa, keima an a ne pa nangawn in a khetul tawh kei hong peek vial hi.

2 KUMPI NIHNATE 8:14

Tua ciangin Elisha kiang panin amah kihemkhia a, ama kiangah, “Elisha in nang kiangah bang hong ci ahi hiam?” a na ci Benhadad kiangah va tung hi. Tua ciangin amah in dawngin, “Amah in kei kiangah nang na damkik taktakna ding thu hong gen hi,” a ci hi.