Daniel 11:24 - Tedim Bible

²⁴ Amah in a pu a pate’ hih ngei loh, gam hau, gam kilemte nangawn a sim ding hi. Tua ciangin galsung a a lak vante le nate a nungzuite tawh a hawm ding uh hi. Amah in galdalna kulhpite khempeuh luh ding hanciam ding a, ahih hangin tawmvei sung bek hun a nei ding hi.

Tedim Bible Revision 2017

²⁴ Amah in a pu a pateʼ hih ngei loh, gam hau, gam kilemte nangawn a sim ding hi. Tua ciangin gal sung a a lak vante le nate a nungzuite tawh a hawm ding uh hi. Amah in galdalna kulhpite khempeuh luh ding hanciam dinga, ahih hangin tawmvei sung bek hun a nei ding hi.

Daniel 11:24 Referans Kwoze

Mattiu 9:4

Ahi zongin Jesuh in amaute’ ngaihsutna thei ahih manin, “Bang hangin a sialamin ngaihsun na hi uh hiam?

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.

Ezekiel 38:10

“Topa Pasian ahi keimah in nang Gog tungah kong genin-ah: Tua hun ding hong tun ciangin na lungsim sungah gitloh gamtat ding ngaihsut na kipan ding hi.

Paunak 23:7

“Ne ne un,” hong cih hangin a cih takpi hi lo hi. Bang hang hiam cih leh na dangtawng a hong sun samzang nekkhak tawh kibang ding hi.

Paunak 19:6

A cingh mihau pa’ maipha ngah ding ki-ut ciat a, na a piak mi khempeuh ama lawm ahi hi.

Paunak 17:8

Sumgolh a zangte in ai bangin ngaihsun uh a, a deih khempeuh uh a ngahsak dingin ngaihsun uh hi.

Nehemiah 9:25

Tua hi a, amaute in kulhnei khuapite le gam hoihte la uh a, na hoih tampi tawh a kidim innte, suang kikhuak tuibemte, leenggui lote, oliv lote, le nek theih singgah kung tampi a luah uh hi. Amaute in tuate ne-in gilvahin thau uh a, nangma hoihna hangin nuamsa mahmah uh hi.

Thukhente 9:4

Tua ciangin amaute in Baaberith inn panin ngun pek sawmsagih Abimelek pia uh a, amah in ama nung a zui, bangmah-a a kimang lo le thu ngaihsun thei lo mite cialna hi.

Gamlak-vakna 13:20

a leitang a lei hoih hiam, lei sia hiam, sing om hiam, om lo hiam, va thei un. Na siam tawpun va hih unla, tua leitang a gah pawlkhat hong ciahpih un,” a ci hi. Tua hun pen leenggah a palte a min hun ahi hi.

Ezekiel 34:14

Lungmuang takin Israel mualtung lonona le guam sung munnuamte le Israel gam lonona mun khempeuhah ka gamtasak ding hi.

Daniel 11:23

Zuaugen siamna zangin minam dangte tawh kilemna a bawl ding hi. Minam tawmno khat bek a uk hangin a thahatna a khang semsem ding hi.