Daniel 11:23 - Tedim Bible

²³ Zuaugen siamna zangin minam dangte tawh kilemna a bawl ding hi. Minam tawmno khat bek a uk hangin a thahatna a khang semsem ding hi.

Tedim Bible Revision 2017

²³ Zuaugen siamna zangin minam dangte tawh kilemna a bawl ding hi. Minam tawmno khat bek a uk hangin a thahatna a khang semsem ding hi.

Daniel 11:23 Referans Kwoze

Daniel 8:25

A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

2 THESALONIKA NIHNA 2:9

Satan’ vangliatna tawh A Gilopa hong pai-in, lim le nalamdang a tuamtuamte hong bawl ding a,

2 KORIN NIHNA 11:3

Ahi zongin gulpi in ama zuau ngian tawh Eve a khemzawh bangin na lungsim uh kihei-in Khrih tungah na kipiaknate uh na nusiatkhak ding uh ka lunghimawh hi.

ROM (Romans) 1:29

Siatna nam khempeuh ahi, hoih lohna, huaihamna, khatlekhat kisiatsak nopna, hazatna, mi thahna, kitotna, khemna, a sialam bekbek ngaihsutna, zuau genna,

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Late 52:2

Zuau nasempa aw, na leii a hiam pha mahmah mulkiatna tem tawh kibang hi.

Piancilna 34:13

Shekhem in a sanggamnu uh Dinah siasak khin ahih manin Jakob’ tapate in Shekhem le a pa Hamor khemna tawh dawng uh hi.

Daniel 11:22

Ama thu a nial galkap honpite le Pasian’ siampi liante khempeuh a mangthangsak ding hi.

Daniel 11:24

Amah in a pu a pate’ hih ngei loh, gam hau, gam kilemte nangawn a sim ding hi. Tua ciangin galsung a a lak vante le nate a nungzuite tawh a hawm ding uh hi. Amah in galdalna kulhpite khempeuh luh ding hanciam ding a, ahih hangin tawmvei sung bek hun a nei ding hi.

Daniel 8:24

Amah thahat mahmah ding a, ahih hangin ama thahatna ahi kei ding hi. Amah in a dipkuathuai siatna piangsak ding a, a hihna khempeuhah a thahat mahmah ding hi. Amah in mi thahatte le Pasian’ mite a susia ding hi.