Daniel 10:14 - Tedim Bible

¹⁴ Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Tedim Bible Revision 2017

¹⁴ Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 10:14 Referans Kwoze

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilhzo hi.

Habakkuk 2:3

Hih thu a tunna ding hun hi pah nai lo ahih manin lai-in ciamteh in. Ahi zongin hong tung baihta ding a, kong lah khempeuh a manin hong tung ding hi. A tung hak tawh a kibangkha ahi zongin ngak keikai in. Ka seh hun a cin ciangin hong tung takpi ding a, zekai lua nawn lo ding hi.

Daniel 12:9

Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallakah mi tampite in bang thu piang hiam cih theitel nuamin a hanciam ding uh hi,” a hong ci hi.

Micah 4:1

Mailam hunah Topa’ biakinn a omna mual, a sangpen mual hong suak ding a, minam tampi in hong zuan ding uh hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Isaiah 2:2

Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,

Thu-hilhkikna 4:30

Note in gimna thuakin, mailam hunah hih nate khempeuh note’ tungah hong tun ciangin, Topa na Pasian uh lamah kihei-in ama thu na mang ding uh hi.

Piancilna 49:1

Tua ciangin Jakob in a tapate sam a, “A hong tung ding hunte-ah note’ tunga hong tung ding thu kong gen theih nadingin note hong kikhawm un.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

2 TIMOTI NIHNA 3:1

Nitawp ni hun pen a lauhuai hun ahih ding lamtak phawk in.

Daniel 10:1

Sairas, Persia gam kumpi a suahzawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theihtelhak mahmah ahih manin maangmuhna tawh teltakin a kilak hi.

Daniel 9:22

Amah in, “Daniel aw, hilhkholhna thu a theisak dingin a hong pai ka hi hi.

Thu-hilhkikna 31:21

Siatna le haksatnate amaute tungah a tun ciangin hih la, teci-in amaute’ langkhatah pang ding hi (bang hang hiam cih leh a suanlekhakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Thu-hilhkikna 31:29

Bang hang hiam cih leh ka sih khit ciangin note siatgamtatin, note kong sawlna lampi panin na pial taktak ding lam uh ka thei hi. Note’ sepna tawh amah hehsakin, Topa’ muhna-ah a sia gamta ding na hih manun, hong pai ding hunte-ah, note’ tungah gimna hong tung ding hi,” a ci hi.

Ezekiel 12:27

“Mihing ahi Ezekiel aw, na maangmuhnate le na thugen kholhnate pen mailam hun saupi ciangin a hong piang pan dingin Israel mite in ngaihsunkha uh hi.

Daniel 8:16

Ulai gungal panin mihing’ aw khat hong ging a, “Gabriel aw, a muh nate ama kiangah a khiatna hilh in,” a cihna ka za hi.

Gamlak-vakna 24:14

“Tu-in en in, ka mipihte kiangah ka pai ding hi. Hong pai in; nidang ciangin hih mite in na mite’ tungah a bawl dingte kong theisak ding hi,” a ci hi.

Ezekiel 38:16

khuapi huih in gam sung a nawkgawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lahtheih nadingin keima gam a sim dingin kong sawl ding hi.