Daniel 1:20 - Tedim Bible

²⁰ Kumpipa in bangbang thuhaksa nono a dot hangin, hih mi lite pen ama gam sung khempeuha mitphial siamte le aisan theite khempeuh sangin a zah sawmin a siamzawklam uh a mu hi.

Tedim Bible Revision 2017

²⁰ Kumpipa in bangbang thuhaksa nono a dot hangin, hih mi lite pen ama gam sung khempeuh a mitphial siamte le aisan theite khempeuh sangin a zah sawmin a siam zawk lam uh a mu hi.

Daniel 1:20 Referans Kwoze

Paikhiatna 8:19

Mitphial siamte in Faro’ kiangah, “Hih pen Pasian’ nasepna ahi hi,” ci uh hi. Ahih hangin Faro’ lungsim khauh a, Topa’ gensa bangin amah in amaute’ thu ngai lo hi.

Isaiah 19:3

Egypt mite’ lungsim hawmsuak ding a, amau’ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

JOB (Job) 19:3

Kei nong simmawh niloh a, tua banga na gamtatna-ah maizumna mel na nei thei kei hi.

Nehemiah 4:12

Amaute lakah a teng Jew mite khuapi sungah hong pai ciangin, ka galte uh a omna khempeuh ciat panun hong pai-in kote hong simna ding thu, sawmvei tak hong hilhkhol uh hi.

Gamlak-vakna 14:22

Egypt le gamlakah ka hihsa ka vangliatna le ka limte mu khin napi-in sawmvei kei hong ze-etin keima aw a ngai lo mite,

Paikhiatna 8:7

Ahih hangin mitphial siamte in amau’ siamna tawh tua bangmah bawl thei uh a, Egypt leitang tungah uiphukte omsak uh hi.

Paikhiatna 7:22

Ahih hangin Egypt mitphial siamte in amau’ siamna tawh tua bangmah bawl thei uh hi. Tua ahih ciangin Faro’ lungsim a khauh ngei mahin khauh a, Topa’ gensa bangin amah in amaute’ thu ngai lo hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amaute’ kiangah a mang gen a, ahih hangin Faro’ tungah a khiatna a gen thei kuamah om lo hi.

Piancilna 31:7

Ahi zongin na pa un kei hong khemin, ka thaman sawmvei khelkhin a, ahih hangin kei hong gimsak ding Pasian in phal lo hi.

Daniel 5:17

Daniel in kumpipa kiangah, “Letsong pen kei hong pia kei inla, midang khatpeuh piazaw in. Ahi zongin tua lai kigelh hong simsakin a khiatna kumpipa kong hilh ding hi.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

Daniel 2:13

Tua ahih ciangin mipilte khempeuh thahlup khitna ding thu kipia a, tua thahlup dingte sungah Daniel le a lawmte zong a kihel uh ahi hi.

Late 119:99

Ka siate khempeuh sangin thu ka telzaw hi. Bang hang hiam cih leh na teci pannate ka ngaihsunsun hi.

Ezekiel 28:3

Danel sangin pil na kisa zaw a, theih loh a nei loin na kingaihsun kha hi.

Daniel 1:17

Pasian in tua khangno lite laitheih siamna le pilna thukte a pia hi. Daniel pen maangmuhna le mangkhiat siamna a pia hi.