Daniel 1:17 - Tedim Bible

¹⁷ Pasian in tua khangno lite laitheih siamna le pilna thukte a pia hi. Daniel pen maangmuhna le mangkhiat siamna a pia hi.

Tedim Bible Revision 2017

¹⁷ Pasian in tua khangno lite lai theih siamna le pilna thukte a pia hi. Daniel pen maangmuhna le mangkhiat siamna a pia hi.

Daniel 1:17 Referans Kwoze

Jeim 1:5

Pilna kisam na om uhleh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

1 KUMPI MASATE 3:12

en in, nangma hong ngetna bangin kong pia ding hi. En in, nangma hun ma-in nang tawh a kibang a om loh nading le nangma khitah zong nang tawh a kibang hong khan loh nadingin pilna le theihna lungsim kong pia ding hi.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

JOB (Job) 32:8

Ahi zongin mihingte tungah a hong tung pilna pen Vanglian Pasian’ kha in a hong piak ahi hi.

Daniel 2:23

Nang pen ka pu ka pate’ Pasian na hi a, ka hong phat a, ka hong zahtak hi. Nangmah in pilna le thahatna na hong piazo hi. Ka thungetna nong za a, kumpipa kianga ka gen ding thu nong lakzo hi,” a ci hi.

Kolose 1:9

Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

Paunak 2:6

Bang hang hiam cih leh pilna a piapa pen Topa hi a, amah pen pilna le siamna a hilh pa ahi hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Sawltak 7:22

Egypt gam sunga pilna om khempeuh ama tungah kihilh a, thugenna le nasepna-ah milian mahmah khat a suak hi.

Daniel 10:1

Sairas, Persia gam kumpi a suahzawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theihtelhak mahmah ahih manin maangmuhna tawh teltakin a kilak hi.

Ezekiel 28:3

Danel sangin pil na kisa zaw a, theih loh a nei loin na kingaihsun kha hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sungteng amah in Pasian zong hi. Amah in Topa a zon laiteng, Pasian in amah daupaisak hi.

Gamlak-vakna 12:6

Topa in, “Ka thu za un: Note’ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Sawltak 7:10

a thuakna khempeuh panin na honkhia hi. Egypt kumpipa Faro’ mai-ah Josef a tun ciangin Pasian in ama tungah pilna le a deihhuai gamtat hoih na guan hi. Tua ahih manin Faro in ama khutnuai-ah a gam a uksawn ding le a kumpi innsung khempeuh a van dingin a koih hi.

Daniel 7:1

Belshazzar, Babylon kumpi a suahzawh a kum masa kumin keimah Daniel in mang khat ka man a, zanin maang ka mu hi. Ka mangmat lai-in ka gelh a, tua zan a ka maangmuhnate ka ciaptehna hih bang ahi hi:

Daniel 2:19

Tua ciangin tua zan sungin maangmuhna tawh tua thuthukpi Daniel’ tungah kihilh a, amah in vantung Pasian’ min a phat hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Isaiah 28:26

Bang hang hiam cih leh amah a manin kihilh a, ama Pasian in amah hilh hi.

Thuhilh-sia 2:26

Pasian in amah a lungdamsakte tungah pilna, theihna, le lungdamna pia a, ahi zongin a hehpihhuai mimawhte ahihleh a sep bek sisakin, amau’ thalawhsa khempeuh amah a lungdamsakte tungah a piaksak hi. Hih pen a mawknapi taktak, huihpi nungdelh bang bek ahi hi.

2 KHANG TANGTHU NIHNATE 1:10

Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in ukzo ding ahi hiam?” a ci hi.

1 KUMPI MASATE 3:28

Tua ciangin Israel mi khempeuh in kumpipa’ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in a om uh hi.

Daniel 8:1

Belshazzar kumpi a suahzawh a kum thumna kumin keimah Daniel in a nihveina maang ka mu hi.

Daniel 5:14

Nangma sungah Pasian’ kha om ahih manin siamna nei-in, lungpilna le theihna na neihlam ka thei hi.

2 KHANG TANGTHU NIHNATE 1:12

pilna le theihna nangma tungah hong kipia hi. Nang’ ma-a kumpite kuamah in a neih ngei loh, nang’ khit-ate kuamah in zong tua bang a neih loh ding hauhnate, neihnate, le pahtawina zong, nangma tungah kong pia thuah ding hi,” a ci hi.

Daniel 1:4

Tua mite, kumpi innsunga nasem siamte a suahtheih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Daniel 1:18

Kumpipa’ sehsa kum thum a cin khit ciangin Ashpenaz in khangnote khempeuh kumpipa kiangah a paipih hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuha mitphial siamte le aisan theite khempeuh sangin a zah sawmin a siamzawklam uh a mu hi.

Daniel 2:30

Tu-in midangte sangin ka pilzawk manin kei tungah tua thu a hong kilak hi loin, Kumpipa in na mangmat a khiatna le na ngaihsut thu na theih nadingin a hong kilak ahi zaw hi.

Daniel 4:6

Ka mangmat a khiatna a hong hilh dingin Babylon gam kumpi thudotte khempeuh a hong pai nadingun thu ka pia hi.