Amos 9:6 - Tedim Bible

⁶ Topa in vantungah a inndeite bawl a, van kuumpi tawh leitung a khuhsuk hi. Amah in tuipi panin tuite samkhia a, leitung khempeuhah tua tuite a sung hi. Hih bangin a bawlpa’ min pen Topa ahi hi.

Tedim Bible Revision 2017

⁶ Topa in vantungah a inn deite bawl a, van kuumpi tawh leitung a khuh suk hi. Amah in tuipi panin tuite sam khia a, leitung khempeuh ah tua tuite a sung hi. Hih bangin a bawlpaʼ min pen Topa ahi hi.

Amos 9:6 Referans Kwoze

Amos 5:8

Vana om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tua tui a buakhia pa a min pen Topa ahi hi.

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Late 104:3

Vana om tui tungah na inn na lam a, na leeng dingin meiipite na bawl a, huih khate tungah nang na tuang hi.

Late 104:13

A sangna mun na omna panin mite tungah guah na zusak a, nangma thupha tawh leitung a kidim hi.

Jeremiah 5:22

kei hong kihta lo na hi uh hiam, Topa in kong ci hi. Keima mai-ah ling lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin’ zuazua uh hangin kantanzo tuan lo uh hi.

Piancilna 2:1

Tua ahih ciangin vantung, leitung, le a sunga omte khempeuh kiman khin hi.