Amos 9:4 - Tedim Bible

⁴ Galte in a sal dingin hingmat ta le-uh zong, namsau tawh a thah nadingun thu ka pia ding hi. Amaute’ hoihna ding ngaihsun hetloin, amaute suksiat ding ka sawm hi,” a ci hi.

Tedim Bible Revision 2017

⁴ Galte in a sal dingin hing mat ta le-uh zong, namsau tawh a thah nadingun thu ka pia ding hi. Amauteʼ hoih nading ngaihsun het loin, amaute suksiat ding ka sawm hi,” a ci hi.

Amos 9:4 Referans Kwoze

Siampi Laibu 26:33

Keimah in minam dangte lakah note kong thehthang ding a, keimah in namsau a paai panin dokin note kong delh ding hi. Na leitang uh gamkhing suak ding a, na khuapite uh a sia hi ding hi.

Jeremiah 44:11

“Tua ahih manin Vanglian Topa, Israel mite’ Pasian in kong genin-ah: En un, note a susia dingin na langkhat uhah kei ka ding a, Judah gam khempeuh ka susia ding hi.

Jeremiah 21:10

Bang hang hiam cih leh Topa in kong cihin-ah, hih khuapi hoihna ding hi lo, a siatna dingin ka lungsim ka khensat khinzo hi. Babylon kumpipa’ khut sungah ka pia ding a, amah in mei tawh a hal ding hi,’ na ci ding hi.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Siampi Laibu 17:10

“Israel mite sung pan hitaleh amau’ lakah a peem khualmite sung pan hitaleh mi khat in si khat peuhpeuh a nek leh, si a ne mipa ka maisiat ding a, ama mite lak panin amah ka khenkhia ding hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu inla, khuapi kiimah na paikawmin na namsau tawh satnen in. A omlai seh khat pen huihlakah lawn in. Keimah in ka namsau tawh tuate ka sat ding hi.

Jeremiah 39:16

“Ethiopia mi Ebedmelek kiangah pai inla, ‘Vanglian Topa, Israel mite’ Pasian in hong genin-ah: En in, hih khuapi hoihna ding hi lo, a siatna ding ka gensate ka tungsak ding a, tua ni a hong tun ciangin nangmah in zong na mu ding hi.

Jeremiah 24:6

Amaute limtakin ka kem ding a, hih gamah ka lakik ding hi. Amaute ka khangtosak ding a, ka susia kei ding hi; ka suan ding a, ka botkhia kei ding hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu a kipan gal na do ding hi,” a ci hi.

Jeremiah 12:12

Sehnel gam mualsang panin a susia dingte hong paizo uh hi. Gammong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Amos 9:8

Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susiamang loin pawlkhat ka sitlai ding hi.

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ututin om thei lo hi. Mi khatlekhat ka kidosak hi.

Piancilna 44:21

Tua ciangin nangmah in na nasemte kiangah, ‘Ka mit tawh amah ka muh theih nadingin kei kiangah amah hong tonpih suk un,’ nong ci hi.

Paikhiatna 14:24

Zingsang ciangin Topa in mei le meii khuam sung panin Egypt mihonpite en sukin, Egypt mihonpite phialgawp a,

Late 34:17

Huhna a ngen dingin thumante a kiko ciangin Topa in za a, a haksatna khempeuh panun amaute a honkhia hi.

Jeremiah 39:12

“Jeremiah la un. Limtakin kem unla bawlsia kei un. Ama deih bangbangin na bawl un,” a ci hi.