Amos 9:13 - Tedim Bible

¹³ Topa in hih bangin ci hi: An a kihauh luat manin, anlak a kizawh ma-in lo khawhkik hun tungin, leenggahte, leenggahzu a bawl a kizawh ma-in a suankik hun hong tun ding, hun nuam hong tungta ding hi. Mual lian khempeuh panin leenggahzu khum hong taakkhia-in, mual neu khempeuh tungah leenggahzu a luang ding hi.

Tedim Bible Revision 2017

¹³ Topa in hih bangin ci hi: An a kihauh luat manin, an lak a kizawh ma-in lo khawhkik hun tungin, leenggahte, leenggahzu a bawl a kizawh ma-in a suankik hun hong tun ding, hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu a luang ding hi.

Amos 9:13 Referans Kwoze

Joel 3:18

Tua hun ciangin mualtung khempeuh leenggui lo hi ding a, mual neute khempeuh tungah bawnghon dim ding a, Judah gam sung khempeuhah tui tampi om ding hi. Topa’ biakinn panin luitui khat hong luangkhia ding a, Shitthim kuamsung khempeuh a kawtsak ding hi.

Johan 4:35

Note in na paunak uhah, ‘Khai tuh khit kha li ciangin anlak hun hi,’ na ci uh hi. Tu-in note khuadakin lote en un. An khempeuh min khinta a, lak ding bek in sam hi.

Isaiah 55:13

Ling tangin tak kung hong po ding a, lingkung tangin mui kung hong po ding hi. Tua pen Topa’ nasepna phawk tawntungna, a kilakhia ngei lo ding, a tawntungin a om lim khat hi ding hi, a ci hi.

Siampi Laibu 26:5

Na cil uh ante leenggah lawh hun dong kimang ding a, leenggah minte zong lopawi hun dong kimang ding hi. Note in na khamtakun an na ne ding uh a, lungnuam takin na gam sung uhah na teng ding uh hi.

Ezekiel 36:35

Hih leitang pen gammang tulak a bang ngei hinapi-in tu-in Eden Huan a batna le a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a tenna thu mi khempeuh in gen belin nei ding uh hi.

Joel 3:20

A kithat mite’ phu keimah in ka la ding a, a mawhte ka khahkhong kei ding hi. Judah gamah mi teng tawntung ta ding a, Jerusalem-ah a khangkhangin mi om tawntung ding a, Zion Mual-ah Topa a teng ding hi.” a ci hi.

Late 97:5

Topa’ mai, leitung mi khempeuh’ Topa’ mai-ah mual liante khuainun bangin a tuisuak uh hi.

Thukhente 5:5

Topa’ mai-ah mualte kiling hi, Israel Pasian, Topa’ mai Sinai galkhatah.

Amos 9:5

Vanglian Topa Pasian in leitung a lawn’ ciangin tuisuak a, leitung a om mi khempeuh a kap uh hi. Nail Gunpi bangin leitung buppi khangto-in kiamsuk ding hi.

Piancilna 49:11

A sakolno leenggui-ah khih a, a lano leenggui limci penah khih hi. Amah in a puante leenggahzu sungah sawp a, a puansilhte leenggahtui san sungah a sawp hi.

Isaiah 16:10

An tampi a pian’ ngeina lolai-ah lungdamna le nuamna om nawn lo hi. Leenggui lote-ah lasakna om lo a, lungdam a kikona om nawn lo hi. Leenggah cilna-ah kuamah in leengtui suk nawn lo a, leenggah lawh cianga kikona aw kidaisak ta hi.

Ezekiel 28:26

Tua gam sungah lungmuang takin teng ding uh a, amaute in inn lamin, leenggui suan ding uh hi. Israel mite a simmawh minam dangte gim ka pia ding a, Israel mite ahihleh lungmuang takin om hithiat ding uh hi. Tua ciangin Topa amau’ Pasian ka hihna thu amaute in hong thei ding uh hi,” a hong ci hi.

Joel 2:24

Na ancilna phual uh an tawh kidim ding a, na koihna uh umlebeel khempeuh leenggahzu le sathau tawh kidim ding hi.