Amos 9:12 - Tedim Bible

¹² Tua ciangin Israel mite in Edom gam a omlaiteng le keima mi ahi ngei minam khempeuh zo-in ngahkik ding uh hi, Topa in ci hi.

Tedim Bible Revision 2017

¹² Tua ciangin Israel mite in Edom gam a om lai teng le keima mi ahi ngei minam khempeuh zo-in ngahkik ding uh hi, Topa in ci hi.

Amos 9:12 Referans Kwoze

Isaiah 65:1

Keima mite’ thungetna a pia dingin a baihsa-in kei om napi-in, amaute in hong ngen lo uh hi. Amaute’ muh dingin kei om napi-in, amaute in hong zong beek lo uh hi. Minamte tungah, “Hih lai-ah om ing, hih lai-ah om ing,” ci-in a dawng pah dingin kiging napi-in, amaute in kei tungah thu hong ngen lo uh hi.

Jeremiah 14:9

Bang hangin mi lungkiagawp bangin omin, a honkhia thei lo galkap pa bangin om na hi hiam? Ahih hangin Topa aw, kote’ laizangah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Jeremiah 15:16

Na thute in kei hong kem a, an bangin ka ne hi. Na thute kei a dingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Isaiah 63:19

Kote pen nangmah in cikmahin na uk ngei loh mite, nangma mi ahi ngei lo mite tawh a kibang ka suakkhin uh hi.

Isaiah 11:14

Ahih hangin amaute in nitumna lama om Filistia mite simkhawm ding uh a, nisuahna lama om mite luhkhawm ding uh hi. Amaute in Edom mite le Moab mite zogawp ding uh a, Ammon mite in amau’ thu mang ding uh hi.

Late 60:8

Moab gam ka kisilna kuang hi a, ka neihsa hi cih lahna limin Edom gam tungah ka khedap ka lawn a, Filistia gam tungah gualzawhna tawh ka awng hi,” a ci hi.

Piancilna 27:37

Isaac in Esau dawngin, “En in, amah nangma’ topa-in ka bawl khin a, a sanggamte khempeuh ama tungah nasemin ka pia khin a, an le leenggahzu tawh amah ka hingsak hi. Tua ahih ciangin ka ta aw, nang a dingin bang hih thei nawn ding ka hi hiam?” a ci hi.

Piancilna 27:29

Mite in nangma na hong sem hen la, minamte na mai-ah hong kun ta uh hen. Na sanggamte’ tungah topa hi inla, na sanggamte’ suanlekhakte, na mai-ah hong kun uh hen. Nang hong samsia peuhmah in samsiatna ngah hen la, thupha hong pia peuhmah in thupha ngah ta hen,” a ci hi.

Malakhi 1:4

Esau’ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uhleh lam uh hen; ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in a dawng ding hi.

Joel 3:8

Na tanute uh le na tapate uh Judah mite tungah ka zuak ding a, amaute in a gamlapi-a om Seba minamte tungah zuaksawn ding uh hi. Bang hang hiam cih leh Topa in gen khinzo hi.