Amos 9:11 - Tedim Bible

¹¹ Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Tedim Bible Revision 2017

¹¹ Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Amos 9:11 Referans Kwoze

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin thu a khen mipa pen David’ buk sunga om tua tokhom tungah thuman tawh tu ding hi,” a ci uh hi.

Late 80:12

Tua ahih ciangin, lampi-ah a pai mi khempeuh in a gah a lawhtheih nadingin, bang hangin nangmah in a daigawl suvang na hi hiam?

Isaiah 63:11

Tua ciangin amaute in hun lui lai, ama nasem Moses’ hun a phawk uh hi. Ama mi a makaite honkhia-in, tuipi sung panin a paikhiatpih Topa koi-ah omta ahi hiam? Amaute’ tungah ama kha a piapa,

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Ezekiel 36:11

A mihing a ganhingin kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Nidangin na om ngei bangun kong omsakkik ding a, a nidang sangin a cithei zaw-in kong bawl ding hi. Tua ciangin Topa ka hihna thu na hong thei ding uh hi.

Ezekiel 17:24

Tua ciangin singkung sangte phukin, singkung neute a liansak pa, singkung hingte keusakin, singkung keute a hingkiksak Topa ka hihna thu gam sunga om singkung khempeuh in hong thei ding uh hi. Topa ahi keimah in hih thu ka gen khin a, hih dingin ka gen bangin ka gamta ding hi,” a hong ci hi.

Kah la 5:21

Topa aw, kote hong kaikhawm kik in! Hong kaikhawm kik in! A beisa sauveipi lai mah bangin hong thaksuaksakkik in.

Jeremiah 46:26

Amaute a that nuam Babylon kumpipa Nebukhadnezzar le a uliante’ khut sungah amaute ka pia ding hi. Ahi zongin Topa in kong cihin-ah, nidang lai bangin Egypt gamah mi a tengkik ding hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka lakhia ding a, kinemang ding hi. A gawl ka susia ding a, kituancil ding hi.

JOB (Job) 1:10

Amah le a innkuan le a neihsate khempeuh na hutna-in a kimkotah daai khan hi lo na hi hiam? Ama hihna khempeuhah thupha na pia a, genzawh lohin ama neihsa pung hi.

Micah 7:14

Topa aw, nangma tuu ahi na mite hong cing in. Gamnuam leihoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Jeremiah 30:9

Topa, amau’ Pasian’ na ahi a, amaute’ kumpipa-in ka koih ding David’ na ahi zongin a semzaw ding uh hi.

Late 143:5

Hun luite ka phawk a, na sepsa khempeuh ka ngaihsunsun hi. Na khut in a sepsa nate ka lungngaingai hi.

Late 89:40

Ama kulhte khempeuh na sukham khin a, ama galpanmun kipte a sia na suah khin hi.

Gamlak-vakna 24:18

Israel gualzo ding a, Edom mite kisuankhia ding a, a galte ahi Seir zong, kisuankhia ding hi.

Isaiah 58:12

Tanglai-in a kisia na munte uh na lamkik ding uh a, khang tampi sung a kisia bulpite na dingtosakkik ding uh hi. Note pen a sia a puahkik, ten nadingin mun siate a ngei a bangsakkikte hong kici ding hi.

Isaiah 65:9

Jakob sung panin Judah minamte thupha ka pia ding a, amau’ suanlekhakte in mualtung gam a luah ding uh hi. Keima na hong sem, keima teel mite, tua gamah teng ding uh hi.

Jeremiah 18:9

Minam khat peuhpeuh ahi a, gam khat peuhpeuh ahi zongin lam ding le phut dingin hun khat peuhpeuh lai-in ka gen khinzo ahi zongin,

Obadiah 1:17

Ahih hangin Zion mualah pawlkhat va tai ding uh a, tua mun pen a siangtho suak ding hi. Jakob innkuante in amau’ gam mah luahkik ding uh hi.

Micah 7:8

Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

Micah 7:11

Jerusalem khuamite aw, na khuapi kulh uh a kiciankik ding hun hong tung ding a, tua hun ciangin na gamgi uh nakpitakin kikhan ding hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuhah amah cithei ding a, Topa’ biakinn lamkik ding hi.

Zekhariah 12:7

“Tua ciangin Judah galkapte tungah gualzawhna ka pia masa ding a, David’ suanlekhakte le Jerusalem khuamite’ minthanna pen Judah midangte’ minthanna sangin lianzaw tuan lo ding hi.

Zekhariah 14:10

Leilu lam Geba khua panin leitaw lam Rimmon khua dong, leitung khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om ding a, Benjamin Kongpi pan a kipan nidanga kongpi a omnasa Kiu Kongpi dong, le Hananel Tausang panin kumpipa’ leenggah cilna phual ciang dong a ban ding hi.