Amos 9:1 - Tedim Bible

¹ Biakna tau gei-ah Topa a ding ka mu a, hih bangin thu hong pia hi: “Biakinn bulpi khempeuh a kilin’ theih nadingin biakinn khuampiluzang nakpitakin satgawp in. Tuate satkham inla, mite’ luzang tusak in. Tua lai panin a suakta teng gal sungah ka sisak ding hi. A taikhia, a suakta, kuamah om lo ding hi.

Tedim Bible Revision 2017

¹ Biakna tau gei ah Topa a ding ka mu a, hih bangin thu hong pia hi: “Biakinn bulpi khempeuh a kilin theih nadingin biakinn khuampi luzang nakpi takin sat gawp in. Tuate satkham inla, miteʼ luzang tusak in. Tua lai panin a suakta teng gal sungah ka sisak ding hi. A tai khia, a suakta, kuamah om lo ding hi.

Amos 9:1 Referans Kwoze

Late 68:21

Ahih hangin Pasian in mawhna a gamta a galte’ lutang khempeuh sukham ding hi.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Habakkuk 3:13

Na mite a honkhia dingin na paikhia a, na teel kumpipa, a honkhia dingin na kuankhia hi. Migilote’ makai pa na sugawp a, a nungzui khempeuh tawh zong na sumai hi.

Amos 3:14

Amau’ khialhna hangin Israel gim ka piak ni ciangin, Bethel-a biakna taute zong ka susia ding a, biakna tau kite kitanin leilakah kia ding hi.

Isaiah 6:1

Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Johan 1:32

Johan in hih mipa thu teci na pang a, “Vantung panin vakhu bangin Kha hong paisukin ama tungah a om ka mu hi.

Zefaniah 2:14

Tuu le bawnghonte tua khua sungah lumin, gan namkim khawk a suak ding hi. Gunva le gunvapite bangtung zawlah tuangin, tawlet-ah keising khuangin, sangkil tungah va-ak ham ding hi. Taamtak sing tawh a kilam innte maimang ding hi.

Ezekiel 10:4

Kherub-te’ tung panin Topa’ minthanna vang hong paikhia-in biakinn kongah va om hi. Tua ciangin biakinn sungah meiipi hong kai a, biakinn tualah Topa’ minthanna vang taang zeizai hi.

Ezekiel 9:2

Leilu lam biakinn kongpi pualam panin thakhatin mihing guk hong pai-in hiam khat ciat hong tawi uh hi. Saihadial puan a silh, lai gelhna ding a tawi mi khat tawh zong hong paikhawm uh hi. A vekpi-un sumngo biakna tau gei-ah hong ding uh hi.

Ezekiel 1:28

Tua a taang khuavak in meii lakah sakhituihup a kai ciangin a neih mel nam tuamtuam khempeuh a nei kim hi. Topa’ vangliatna lim pen tu-a ka gen bang ahi hi. Hih bang ka muh ciangin leilakah ka boksuk a, tua ciangin awging khat ka za hi.

Jeremiah 48:44

Lauhuaina pan a taisim mite dum sungah a kia ding hi. Dum sung panin a hong kahkhiato mite, thangah a awk veve ding hi. Bang hang hiam cih leh Moab gim ka piak ni-in hih thute ka tungsak ding hi, Topa in kong ci hi.

Isaiah 30:16

“Hilo! Sakol tung tuangin manlang takin i tai ding hi,” ci na hih uh ciangin note na taikhia ding uh hi. “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

2 KHANG TANGTHU NIHNATE 18:18

Tua ciangin Mikaiah in, “Topa’ thugen za in: Topa a kumpi tokhom tungah tu a, a taklam le a veilamah vantung mihon khempeuh a ding ka mu hi.

Sawltak 26:13

Tua hi a, kumpipa aw, Damaskas khua ka tunma sun laitakin kei leh ka tonpih mite’ kiimah sun sangin a taangzaw khuavak khat vantung panin hong taangzaih hi.

Mangmuhna 8:3

Tua ciangin kham kibawl paknamtui kuang a tawi vantungmi adang khat hong pai-in biakna tau mai-ah a ding hi. Pasian’ mite in thungetna-in a zat paknamtuite tawh hal beh ding le tokhom mai-ah a om kham kibawl biakna tau tungah piak dingin amaute tungah paknamtui tampi tak a kipia hi.

Late 68:22

Topa in hih bangin ci hi: “Note in sisan sungah na khe uh silin, na uite un galte’ sisan a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Jeremiah 11:11

Tua ahih ciangin Topa in kong cihin-ah, en un, a pelh theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 42:16

na kihtaktak uh namsau in Egypt gamah note hong that veve ding a, na kihtaktak uh kialpi in zong Egypt gamah note hong nungdelh veve-in, tua lai munah na si veve ding uh hi.

Ezekiel 15:7

gim ka pia ding hi. Mei panin khatvei a suahtak khit hangun tu-in mei in amaute kangtum ding hi. Amaute gim ka piak ciangin Topa ka hihna thu na hong thei ding hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak ding a, gal sungah na tate si ding uh hi. Na gam kiphelkhamin midang tungah kipia ding a, lawkite’ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Zefaniah 1:12

“Tua laitakin Jerusalem khuasung meivak tawh ka zong ding a, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Joshua 10:18

Tua ciangin Joshua in, “Suangtum lianpite a leihawm gong liknelh unla, a cing dingin a gei-ah mi koih un.

Amos 7:9

Isaac’ suanlekhakte’ biakna munte kinusiacipin, Israel mite’ siangtho munte kisusia ding a, Kumpi Jeroboam’ innkuante a simgawp dingin gal ka kuansak ding hi,” a hong ci hi.