Amos 8:11 - Tedim Bible

¹¹ “Keimah in leitungah kialpi kong tunsak hun hong tung ding hi. Tua kialpi pen anletui duhna kialpi hi lo ding a, Topa’ thu zaknop mahmahna kialpi hi ding hi. Topa Pasian ahi keimah in hih thu kong gen khin hi.

Tedim Bible Revision 2017

¹¹ “Keimah in leitungah kialpi kong tunsak hun hong tung ding hi. Tua kialpi pen anletui duhna kialpi hi lo dinga, Topaʼ thu zaknop mahmahna kialpi hi ding hi. Topa Pasian ahi keimah in hih thu kong gen khin hi.

Amos 8:11 Referans Kwoze

Late 74:9

Kote in ka mailam thu ding uh ka thei kei uh hi. Kamsang khat zong om nawn lo a, bang tanvei hi ding, ci-in a thei kuamah ka om kei uh hi.

1 SAMUEL MASA 3:1

Tu-in Eli’ khutnuai-ah naupang Samuel in Topa’ na sem hi. Tua hun lai-in Topa in thu genmun lo a, maangmuh ommun lo hi.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

1 SAMUEL MASA 28:6

Saul in Topa tungah thu a dot ciangin, Topa in mang tawh hitaleh, Urim tawh hitaleh, kamsangte tawh hitaleh dawng lo hi.

Ezekiel 7:26

Lungkhamna khat khit khat a banbanin na tuak ding uh a, thusia bekbek na zaza ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Mattiu 9:36

Mihonte a muh ciangin, a cing nei lo tuuhon bangin gimna ngahin lungkhamin om uh ahih manin hehpihhuai a sa hi.

Micah 3:6

“Keima mite lam khialsak na hih manun mailam thu gentheihna maang na mu nawn kei ding uh a, mailam thu peuhmah na gen thei nawn kei ding uh hi. Kamsangte aw, note’ hun beita ding a, ni in hong tumsan ta ding hi,” ci hi.

1 SAMUEL MASA 28:15

Tua ciangin Samuel in Saul kiangah, “Bang hangin keimah saptohna tawh hong nawngkaisak na hi hiam?” a ci hi. Saul in dawngin, “Nakpi takin ka lungkham hi; Filistia-te in kei hong sim a, kei kiang panin Pasian kiheikhia-in kamsangte tawh ahi a, mang tawh ahi zongin hong dawng nawn lo hi. Tua ahih ciangin ka gamtat nading zia a hong gen dingin nang kong sam hi,” a ci hi.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Paunak 29:18

Pasian’ lamlahna a kizuih lohna gamah gam sung mite phengtat gawp uh hi. Pasian’ thukham a zui mite ahihleh a lungdam uh hi.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a ommah bangin, a puanteng hawkkhiatsakin a guaktangin ka omsak ding a, a keu, bangmah a po zawh lohna gamlak bangin ka bawl ding a, dangtakin a si ding hi.